Sharje e fyerje në 'Instagram', plumb në këmbë 18-vjeçarit në Durrës

Sharje e fyerje në 'Instagram', plumb në këmbë 18-vjeçarit në Durrës

DURRES - Një plagosje me armë zjarri ka ndodhur pasditen e kësaj të mërkure në qytetin e Durrësit. Një 17-vjeçar i identifikuar si A.P., ka qëlluar me pistoletë në drejtim të S.K, 18-vjeç duke e lënë të plagosur. Ai ka marrë një plumb në këmbë, por ndodhet jashtë rrezikut për jetën në Spitalin e Durrësit.

Policia ka mbërritur menjëherë në vendin e ngjarjes dhe është vënë kërkim të autorit i cili është larguar me shpejtësi duke humbur gjurmët. I riu është identifikuar nga policia, ndërsa familjarët i kanë bërë thirrje të dorëzohet. Shkak për ngjarjen dyshohet të ketë qenë një sherr mes katër të rinjve i nisur në rrjetet sociale, në "Instagram", ku nuk kanë kursyer as sharjet dhe fyerjet ndaj njëri-tjetrit.

Ata ishin takuar për të zgjidhur mosmarrëveshjet, por situata ka degraduar dhe njëri prej tyre ka nxjerrë pistoletën duke qëlluar me një plumb në këmbë 16-vjeçarin.  

Njoftimi i Policisë:

Durrës.

Informacion paraprak.

Më datë 04.04.2018, rreth orës 17:30, në lagjen Nr.6, Durrës është plagosur me armë në këmbë shtetasi S.K. 18 vjeç, banues në Durrës, i cili ndodhet në Spitalin Rajonal Durrës jashtë rrezikut për jetën.

Me të marrë njoftim menjëherë në vendngjarje kanë shkuar Efektivët e Policisë, të cilët kanë bërë të mundur identifikimin e autorit të dyshuar, shtetasin A.P. 17 vjeç, banues në Durrës. Po punohet për kapjen e autorit dhe zbardhjen e plotë të rrethanave të ngjarjes.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dielën ndërrohet ora: Si do të lëvizin akrepat

Të dielën ndërrohet ora: Si do të lëvizin akrepat