Elbasan- Arrestohen dy persona nën akuzën e vjedhjes së kryer më parë. Në vijim të punës për parandalimin e vjedhjeve, si dhe për zbardhjen dhe vënien para përgjegjësisë ligjore të autorëve të vjedhjeve të ndodhura më parë, Specialistët e Komisariatit të Policisë Elbasan kanë bërë arrestimin e : R.P, 16 vjeç, banues në Elbasan. Ky person është arrestuar në flagrancë pasi ka vjedhur motoçikletën në pronësi të A.B.
Gjithashtu po nga veprimet e kryera rezultoi se ky person është edhe autor i dy vjedhjeve të motoçikletave të ndodhura më parë, ku ka vjedhur motoçikletën në pronësi të R.Ç dhe motoçikletën në pronësi të G.A. Në cilësinë e provës materiale janë sekuestruar motoçikletat e vjedhura.
Po në vijim të veprimeve hetimore të kryera nga Specialistët e Seksionit për Hetimin e Krimit në Komisariatin e Policisë Elbasan në lidhje me veprimtarinë kriminale në fushën e vjedhjes kryer nga Nustret Alizoti, 27 vjeç, person i kapur nga Policia e Vlorës për llogari të Elbasanit, si autor i dyshuar i vjedhjes së banesës së shtetasit A.Z, ku ka marrë bizhuteri floriri dhe një shumë lekësh rezultoi se:
Ky person përveç vjedhjes së banesës së A.Z, ka kryer edhe dy vjedhje banesash të tjera dhe konkretisht:
Në lagjen “Kongresi i Elbasanit”, Elbasan ka vjedhur banesën e B.K, ku ka marrë 100.000 lekë.
Si dhe në lagjen “28 Nëntori”, Elbasan ka vjedhur banesës e A.K, i ku ka marrë 900.000 lekë.
Gjithashtu këtij personi gjatë kontrollit në mjetin në pronësi të tij i është gjetur e sekuestruar në cilësinë e provës materiale një dozë lëndë narkotike e dyshuar si kokainë.
Vijon puna për zbardhjen dhe dokumentimin e vjedhjeve të tjera që dyshohet se i ka kryer ky person. Materialet i kaluan Prokurorisë së Rrethit Gjyqësor Elbasan për veprime të mëtejshme procedurale.
( Motorçikletat e vjedhura nga personat e mësipërm, tashmë të sekuestruara nga policia )