POP 5

Lajmet më të lexuara të 5 minutave të fundit

Kosova & Rajoni

7 orë diskutime të tensionuara Kosovë-Serbi në Bruksel! Lajçak paraqet propozim kompromisi për çështjen e dinarit! Bislimi: Përafron palët

Pa rezultat konkret përfundoi këtë të enjte takimi Kosovë-Serbi në Bruksel, por Lajçak propozoi një kompromis për çështjen e dinarit. Kryenegociatori Besnik Bislimi tha se për herë të parë pa nga afër qëndrimin e Serbisë për asociacionin, si mundësi për krijimin e strukturave të paligjshme paralele

Kosova dhe Serbia as në takimin e fundit që u zhvillua në Bruksel, nuk arritën marrëveshje për çështjen e përdorimit të dinarit të Serbisë në Kosovë. Por BE-ja doli me propozim kompromisi. Ndërmjetësuesi i BE-së Miroslav Lajçak, pas mbi 7 orë bisedimesh u dorëzoi palëve një propozim, për të cilin nuk dha detaje, por shkroi se do të presë takimin e radhës pas marrjes së komenteve konstruktive.

Kryenegociatori i Kosovës, Besnik Bislimi, tha se "propozimi i Lajçakut synon që të përafrojë qëndrimet e palëve sa i përket çështjes së ndihmës financiare nga Serbia për serbët në Kosovë”. Sipas tij, Serbia shfaqi qëndrime shqetësuese.

"Sot për herë të parë, ne kemi parë haptazi, të dokumentuar nga Serbia, se si ata e shohin procesin e krijimit të Asociacionit. Përderisa për bashkësinë ndërkombëtare dhe Kosovën, Asociacioni është nënkuptuar si një mekanizëm që ndihmon komunat me shumicë serbe të koordinojnë ushtrimin e disa veprimeve të tyre, Serbia sot tregoi se e sheh si mekanizëm për legjitimimin e prezencës së strukturave ilegale të Serbisë në Kosovë", tha Bislimi.

Banka Qendrore e Kosovës që nga 1 shkurti i këtij viti me anë të një rregulloreje e përcaktoi euron si valutën e vetme për pagesa, duke e ndaluar kështu në mënyrë automatike përdorimin e dinarit të Serbisë.  Komuniteti ndërkombëtar i kërkoi Kosovës që ta pezullojë rregulloren, në mënyrë që t'u jepet kohë qytetarëve serbë të përshtaten me praktikën e re. Autoritetet e Prishtinës këmbëngulin se bëhet fjalë për një vendim të pavarur të Bankës Qendrore dhe jo politik.

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

30 Mars, 22:57