Presidenti Bashar Al Assad së bashku me gruan e tij Asma janë parë teksa qëndronin në një spital. Mësohet se Asma al-Assad ka filluar trajtimin për kancerin e gjirit të fazës së hershme.
Syrianews ka publikuar një foto së fundmi ku shfaqet Presidenti sirian mjaft i qeshur pranë gruas së tij, e cila qëndronte e shtrirë duke u mjekuar. Të njëjtata burime bëjnë me dije se tumori është zbuluar së fundi në fazat e hershme duke i uruar asaj shërim të shpejtë.
Presidenti sirian Bashar Al Assad dhe gruaja e tij Asma në spital
Ndërkohë nuk është bërë e ditur se ku është duke u trajtuar dhe njoftime të tilla publike janë të rralla në botën arabe, ku kanceri konsiderohet si një tabu. Dyshja janë të martuar për 18 vite dhe kanë tre fëmijë, Hafez, Zein dhe Karim.