Italia kundër misionit të BE-së për refugjatët

Italia ngrihet kundër vazhdimit të misionit humanitar të marinës së Bashkimit Europian, „Sophia" të vënë në funksionim gjatë krizës së refugjatëve ara brigjeve libiane. Ambasadorët e BE për çështjet e sigurisë zhvilluan të premten një takim të posaçëm, sepse qeveria e Romës nuk do t‘i pranojë më emigrantët e shpëtuar nga Mesdheu nga anijet e BE.

Zëdhënësja e Federica Mogherinit, të ngarkuarës së BE për politikën e Jashtme, u shpreh se po kërkohet një zgjidhje brenda verifikimit të planifikuar të këtij misioni. Pritet një zgjidhje brenda pesë javësh.

Anijet e BE kanë shpëtuar 49.000 vetë
Italia e sheh si problematike tanimë edhe ndihmën e një anijeje të marinës gjermane, pjesë e misionit të BE. Qeveria e Romës në vitin 2015, ra dakord që të pranojë në kuadër të misionit të BE-së në portet italiane emigrantët e shpëtuar në Mesdhe. Atëherë nuk mendohej se misioni i planifikuar si luftë kundër kriminalitetit të trafikantëve do të shpëtonte kaq shumë vetë në Mesdhe. Deri tani janë shpëtuar nga këto anije më shumë se 49.000 vetë.

LEXO EDHE:
Kolegji Evropian në Tiranë, ‘shtëpia’ e parë në godinën ‘Liria’ në QS! Mogherini: Viti i ri akademik nis në shtator! Patëm 242 aplikime, u përzgjodhën 31 studentë

Nuk dihet nëse do të gjendet shpejt një zgjidhje në këtë debat. Kryeministri italian, Giuseppe Conte i dërgoi një letër presidentit të Komisionit Europian, Jean-Claude Juncker, ku kërkon revizionin e misionit „Sophia". Ndërsa ministri i Brendshëm, Matteo Salvini, kreu i Lega Nord, kërkoi në fillim të korrikut që të mos lejohet më automatikisht ankorimi i anijeve të misionit të BE në portet italiane/ DW

TAG:
• Federica Mogherini
• Jean-Claude Juncker
• Giuseppe Conte
• refugjate

Sondazhi i ditës:

A ka politika frikë nga SPAK-u?

• Po

  68.7%

• Jo

  26.3%

• Nuk e di

  5%

Vota total: 4098

• Sondazhi i ditës:

  A ka politika frikë nga SPAK-u?

  Po Jo Nuk e di