Laçi kryeqendër, sonte pelegrinazhi në Kishën e Shna Ndout/ Masat e policisë

12 Qershori është e marta e fundit e pelegrinazhit në Kishën e Shna Ndout në Laç. Mijëra besimtarë pritet që të marrin pjesë në pelegrinazh. Ata do i drejtohen kodrës mbi qytetin e Laçit, duke besuar në mrekullitë e këtij vendi.

Për besimtarët nata e 12 qershorit është momenti i veçantë. Nisur edhe nga vitet e kaluara, policia ka marrë masat për mbarëvajtjen e situatës. Policia e Lezhës njofton se nuk do të lejojë sot dhe nesër lëvizjen dhe parkimin e mjeteve në disa rrugë për shkak të pelegrinazhit.

INFORMACIONI I POLICISË:
Masat e marra nga Policia e Lezhës për mbarëvajtjen e pelegrinazhit në Kishën e Shna Ndout në Laç më datë 12-13 Qershor 2018.

Drejtoria Vendore e Policisë Lezhë ka marrë një sërë masash për sigurimin e rendit dhe sigurisë publike, para, gjatë dhe pas pelegrinazhit.

LEXO EDHE:
Nis pelegrinazhi në kishën e Shna Ndout në Laç, mijëra besimtarë i drejtohen vendit të shenjtë përgjatë 13 të martave

Masat e marra si më poshtë:

– Nga ora 08:00 datë 12.06.2018 – ora 24:00 datë 13.06.2018, do të kufizohen disa segmente rrugore mbi lëvizjen dhe parkimin e mjeteve të cilët janë:

“Nga Kryqëzimi i Gjykatës – Kisha e Shna Ndout ”

“Nga Kryqëzimi i Poliklinikës – Kisha e Shna Ndout”

“Nga Kryqëzimi i Gjimnazit – Kisha e Shna Ndout”

“Nga Pallati 113 – Kisha e Shna Ndout”

Në këto segmente rrugore do të qarkullojnë vetëm mjete të transportit publik ( autobus/ taxi) të liçensuara dhe të përcaktuara nga Bashkia Laç, mjetet e Kishës, mjetet e personaliteteve të larta shtetërore ,mjetet e emergjencave civile , zjarrëfiksja, ambulanca dhe policia.

Drejtoria Vendore e Policisë Lezhë kërkon mirëkuptimin e drejtuesve të automjeteve, të përdorin akse dhe drejtime të tjera lëvizjeje, pasi, do të vlerësohej si një ndihmë mjaft e çmuar në mbarëvajtjen dhe garantimin e masave të sigurisë rrugore.

– Nga Kryqëzimi i Gjimnazit deri te Kryqëzimi i Varrezave do jetë rrugë vetëm për këmbësorët.

– Nga Mbikalimi i Patokut për në qytet Laç nuk do të lejohen të hyjnë mjete të tonazhit të lartë pasi bëhen shkak të bllokimit të qarkullimit rrugor.

– Mjetet do të parkohen në vend parkingje të përcaktuara nga Bashkia Laç. Nuk do të lejohen parkime në vende që bëhen pengesë për qarkullimin e lirë të mjeteve .

TAG:
• kisha e shna ndout
• lac
• pelegrinazhi

Sondazhi i ditës:

A ka politika frikë nga SPAK-u?

• Po

  68%

• Jo

  27.1%

• Nuk e di

  4.9%

Vota total: 2360

• Sondazhi i ditës:

  A ka politika frikë nga SPAK-u?

  Po Jo Nuk e di