POP 5

Lajmet më të lexuara të 5 minutave të fundit

Sociale

Protesta e banorëve për fushën e Rryenit, reagon kompania: Toka shtetërore, po krijojmë një kopsht Botanik

Kompania gjermane ka reaguar pas protestës së banorëve të fshatit Rrajcë në Prrenjas. Kompania sqaron se toka ku po ndërtohet është shtetërore dhe se projekti parashikon ndërtimin e një Kopshti Botanik.
Protesta e banorëve për fushën e Rryenit, reagon kompania: Toka shtetërore, po krijojmë një kopsht Botanik

Foto nga protesta e djeshme

Një ditë pas protestës që banorët e fshatit Rrajcë në Prrenjas zhvilluan ditën e djeshme para bashkisë, ku pretendonin se firma gjermane “Agro-Map Consulting shpk”, iu kishte marrë 700 hektarë tokë, ka ardhur reagimi nga kompania gjermane.

Në një njoftim për mediat, kompania gjermane sqaron se në muajin maj të vitit 2017, është firmosur një kontratë e rregulltë ligjore me Administratën e Zonave të Mbrojtura, pranë Ministrisë së Mjedisit, për të zhvilluar një projekt 5-vjeçar në mbrojtje të ekosistemit dhe të bimëve medicinale në zonën e Rryenit.

Projekti parashikon krijimin e një Kopshti Botanik brenda 5 vitesh, një investim rreth 2 milionë €. Kompania sqaron se pas verifikimeve në Zyrën Vendore të Pasurive të Paluajtshme, toka në fjalë ka qenë pyll dhe shkurrishte, ndërsa në vitet 70 në kohën e kooperativave u kthye në tokë bujqësore për kulturën e patates dhe në asnjë rast nuk rezulton të ketë pasur pronar privat.

Sa i takon pretendimit të banorëve se nuk janë pyetur dhe se projekti i kompanisë gjermane nuk është kaluar në Këshillin e Bashkisë Prrenjas, kompania sqaron se kjo procedurë nuk kërkohet nga ligji, pasi toka në është vetëm nën administrimin e Zonave të Mbrojtura. Gjithashtu, kompania thotë se me banorët janë zhvilluar takime për t’i sqaruar rreth projektit, ku shumë prej tyre tashmë janë të punësuar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Durrës/ Të shtënat me armë dje në lagjen 15, arrestohen dy persona! Në kërkim një tjetër

Durrës/ Të shtënat me armë dje në lagjen 15, arrestohen dy persona! Në kërkim një tjetër

26 Dhjetor, 10:42