Konferenca e Kryetarëve, opozita Spaho e Vasili: Qeveria drejtohet nga krimi. Manja: Ligji për Teatrin të shtyhet më datë 20

TIRANË- Nisi në orën 12:00, në Kryesinë e Kuvendit, mbledhja e Konferencës së Kryetarëve. Mbledhja e thirrur nga kryetari Gramoz Ruçi, përfundoi pa konsensus. Burime për Report Tv nga mbledhja e Konferencës së Kryetarëve bënë me dije se opozita denoncoi në mbledhje, kriminalitetin dhe vrasjet e fundit në vend. Kryetari parlamentar i grupit të PD-së, Edmond Spaho ka thënë se deputeti socialist.Taulant Balla s’duhet të ishte prezent në këtë konferencë.

Qeveria drejtohet nga krimi e droga. Deputetët janë të lidhur me krimin. Reforma në drejtësi ka dështuar, vendi është pa gjykata. Balla është i lidhur me krimin, e me të dënuar për drogë. S’duhet të ishte pjesë e konferencës së Kryetarëve bazuar edhe në ligjin e dekriminalizmit. Miratoni dekretin e Presidentin dhe rrëzoni ligjin e Ramës për Teatrin.

Edmond Spaho, kryetar i grupit të PD-së

Ndërsa deputeti socialist, Eduart Shalsi ka kërkuar shtyrjen e shqyrtimit të ligjit për Teatrin, përtej datës 13 shtator që ishte e parashikuar.  

LEXO EDHE:
Kërkesa e opozitës për debat, Bardhi: Raportet flasin për shtim të trafikut të drogës! Çuçi: S'ka vend për mocion! Gjykatat janë shprehur

Të shtyhet data për teatrin. Të shqyrtohet më 20 shtator.

Eduart Shalsi, deputet i PS-së

Në përfundim të mbledhjes së Konferencës së Kryetarëve, Spaho, Manja, e Vasili kanë folur për mediat.

Edmond Spaho: Sot në vëmendjen e konferences së kryetarëve ishte jo vetëm ngjarje por edhe Lala dhe sulmi kriminal në shtëpinë e saj. Rama ka ushtruar luftë ndaj përfaqësuesve të medias, që s’kanë qenë dakord me qeverinë e tij

Mazhoranca ta sjellë ligjin për teatrin në Kuvend. Në mazhorancë është vërtetuar nga publikimet në media se komunikonte me miqtë e Shullazit. Qëndrimi i Ramës është permanent. Së dyti, ngrita çështjen e reformës në Drejtësi, e cila ka dështuar. Jemi pa Gjykatë të Lartë, pa Gjykatë Kushtetuese, pa Gjykatë Apeli. PD, jo sot, por që në 2016, kur u miratuan ndryshimet në Kushtetutë, kemi paraqitur zgjidhjen tonë, që ligjet të kalonin me konsedus.

Petrit Vasili: Luftë frontale mazhorancës me të gjiitha mjetet. Shtet antiligjor është instaluar në Shipëri. Rivendosja e shtetit ligjor është domosdoshmëri. Vettingu-n po e konteston ONM, pra është goditur zemra dhe themeli i asaj fjale që u bë lajkmotivi i shqiptarëve. T’u japim shqiptarëve shtetin e së drejtës që meritojnë. Shqiptari rraset në burg për banalitete. Shqiptarët janë kundër këtij shteti.

Ulsi Manja: Dekreti i Metës për Teatrin, meqënëse është depozituar kur Kuvendi ishte i shpërndarë, u kërkua që ky dekret të mos jetë në seancën e datës 13, por në datën 20. Dekreti do të kalojë në të gjitha filtrat e nevojshme. Nga opozita u ngritën shqetësimet e zakonshme, por puna jonë është e fokusuar tek qytetarët. Ne do fokusohemi në një proces ligjbërjeje, siguri publike dhe reduktimin e varfërisë. S’di çfarë kanë thënë kryetarët e grupeve parlamentare. Mua mu duk sikur kishin ndenjur deri vonë në dasëm, dhe vazhduan me ritualin e tyre. Zbatimi i reformës në Drejtësi është fokus i kësaj qeverie.

Manja nuk preferoi t’i përgjigjej pyetjes së gazetares së Report Tv, Esiona Konomi, nëse është i shqetësuar nga krimi në vend.

TAG:
• gramoz ruçi
• Petrit Vasili
• edmond spaho
• opozita
• konferenca e kryetareve
• vrasjet ne shkoder

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.5%

• Jo

  72.8%

• Nuk e di

  8.8%

Vota total: 1615

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di