Skandali me vizat/ Skuadrës së Kukësit i bashkohet edhe Reginaldo, sot luhet Torpedo - Kukësi

Pas shumë problemeve dhe qëndrimit për dy ditë në aeroporte më në fund Kukësit i është bashkuar edhe sulmuesi kryesor Reginaldo.

Futbollisti nga Mozambiku bënte pjesë në grupin prej katër futbollistëve të cilëve iu refuzua viza nga autoritet gjeorgjiane. Dje iu bashkua skuadrës portiere Maloku dhe sot Reginaldo ndërsa përfundimisht mbeten pa udhëtuar drejt Gjeorgjisë futbollistët nga Maqedonia Edis Maliqi dhe Valon Ethemi.

Nga ana tjetër skuadra është gati për ndeshjen e sotme kundër Torpedo Kutaisi dhe është stërvitur në stadiumin ku do luhen 90 minutat e para të duelit të vlefshëm për turin e tretë të Europa League.

LEXO EDHE:
Lituania mbështet idenë e dislokimit të armëve bërthamore të NATO-s në Poloni

Verilindorët pritet të luajnë me Frashërin në portë dhe më pas në mbrojtje me Hoxhën , Shametin, Qaqin dhe rrumbullakun ndërsa në mesfushë do jenë Çyrbja , Dzaria, Musolli dhe Melo ndërsa në sulm Harba dhe Plaku ose Reginaldo.

Trajneri Armando Cungo ka folur rreth situatës së krijuar duke thënë se ishte absurd dhe e pakuptimtë.

Normalisht që u gjendëm përballë një situate e cila ishte krejtësisht e pakuptimë. Nuk ishim përgatitur. Kishim përgatitur stërvitjen gjatë gjithë javës me këto persona kur na japin lajmin se kanë probleme dhe se nuk mund të udhëtojnë. Nuk janë pak katër sportistët të cilat janë pjesë kryesore e grupit. 

Armando Cungu 

4 futbollistëve të Kukësit iu refuzua viza nga autoritet gjeorgjiane ndërsa pas shumë përpjekjeve dy prej tyre iu bashkuan skuadrës. Dje Presidenti Safet Gjici në një komunikim për Report Tv nga Tbili e cilësoi racizëm dhe theksoi se në Gjoergji u pritën si armiq. Ndërsa ka vënë 100 mijë euro shpërblim për fitoren në ndeshjen e sotme.
 

TAG:
• skandali me vizat

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.6%

• Keq

  61.6%

• Nuk e di

  13.8%

Vota total: 1337

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di