Bota

Presidenti i Shteteve të Bashkuara, Joe Biden ka nisur një tur në Lindjen e Mesme, ndalesa e tij e parë që ka qenë Izraeli.

Një gjykatë suedeze ka dënuar me burgim të përjetshëm një ish-zyrtar burgu iranian për krimet e kryera gjatë një spastrimi të disidentëve në Iran në vitin 1988. Hamid Nouri, 61 vjeç u dënua për “krim të rëndë kundër ligjit ndërkombëtar” dhe “vrasje”, bëri të ditur gjykata e qarkut të Stokholmit në një deklaratë më 14 korrik.

Qeveria italiane e Mario Draghit është rrëzuar! Kryeministri italian ka paralajmëruar dorëheqjen pas krizës politike të krijuar nga largimi i ‘Lëvizja 5-Yje’. Kryeministri italian tha se mocioni i mosbesimit ishte shumë domethënës nga pikëpamja politike, pasi shumica që e ka mbështetur këtë qeveri nuk është më.

Netflix është bashkuar me Microsoft për të ofruar një plan abonimi më të lirë për klientët por do të shfaqen reklama.

Kryeministri i Sri Lankës Ranil Wickremesinghe, i cili për momentin është në detyrën e presidentit, i ka kërkuar ushtrisë që të bëjë "çfarëdo që është e nevojshme për të rivendosur rendin". Në një deklaratë për mediat, ai u bëri thirrje protestuesve të largohen nga zyra e tij, ndërtesat e tjera shtetërore dhe të bashkëpunojnë me autoritetet.

Qeveria e Viktor Orban bëri një kthesë të jashtëzakonshme në një nga çështjet kryesore të politikës së saj, skemën e çmimeve të rregulluara më 12 korrik, pasi shpalli gjendjen e jashtëzakonshme të energjisë dhe uli pranueshmërinë për çmimet e rregulluara të energjisë për klientët me pakicë

Bisedimet midis Rusisë, Ukrainës, Turqisë dhe zyrtarëve të OKB-së çuan në një mirëkuptim për të formuar një qendër koordinimi. Ministri turk i Mbrojtjes është shprehur se do të nënshkruhet javën e ardhshme. Ndërsa Sekretari i Përgjithshëm i OKB-së Guterres ka thënë se është një hapi i rëndësishëm drejt një marrëveshjeje të plotë.

Bashkimi Evropian u bëri thirrje Hungarisë dhe Polonisë të mërkurën që të përmirësojnë pavarësinë e gjyqësorit dhe medias, si dhe masat mbrojtëse kundër korrupsionit, duke thënë se kushtet për të zhbllokuar miliarda euro në ndihma për dy vendet nuk janë përmbushur dhe shqetësimet serioze vazhdojnë të mbeten

Seanca në komisionin që po heton sulmin e dhunshëm të 6 janarit 2021 në Kongres rifilloi të martën me një shqyrtim të asaj që ligjvënësit e quajnë inkurajim nga ana e ish-presidentit Donald Trump të grupeve të ekstremit të djathtë për të bllokuar një proces demokratik.

Euro ka rënë poshtë dollarit për herë të parë në gati 20 vjet dhe kjo prej luftës në Ukrainë. Një euro bleu 0,998 dollarë në tregun valutor ditën e sotme, me një rënie prej 0,4% në tregtimin e ditës. Frika se Rusia mund të kufizojë furnizimet e Evropës me energji kanë rritur shanset për recesion në zonën e euros.