Bota

Një investigim i BBC ka zbuluar se operativët e shërbimit Special ajror britanik kanë vrarë në mënyrë të paligjshme 54 persona të paarmatosur gjatë misionit në Afganistan. Vrasjet e dyshuara besohet se kanë ndodhur në harkun kohor të 6 muajve mes 2010-2011.

Bullgaria i ka dërguar notë proteste Maqedonisë së Veriut për shkak të manifestimeve dhe patrullimeve të shumta. Kjo erdhi pas protestave në Maqedoninë e Veriut, ku mijëra qytetarë u mblodhën të udhëhequr nga opozita për shkak të propozimit francez që ndikoi në heqjen e vetos nga Bullgaria.

Ministrat e Brendshëm të BE janë të shqetësuar, se kontrabanda e armëve në Europë do të mbetet një problem për shumë vite, sepse lufta në Ukrainë ka sjellë një fluks të madh armësh ilegale në treg.

Presidenti i Shteteve të Bashkuar po kalon kohë të vështira lidhur me ngjarjen më të fundit që i kanë ndodhur djalit të tij, Hunter Biden, për shkak sepse është sulmuar nga hakerat, të cilët i kanë cënuar të dhënat personale.

Me një palë pantallona të zeza deri në kyçin e këmbës, atlete të bardha, një bluzë të zezë dhe një xhaketë ushtarake. Këto rroba veshi një mbrëmje dy vite më parë, 20-vjeçarja Martina Evatore, kur një burrë në Padova tentoi ta përdhunonte.

Është publikuar fotografia e parë me ngjyra të plota nga teleskopi i ri hapësinor James Webb, e cila përbën pamjen më të detajuar me rreze infra të kuqe të Universit deri më sot, që përmban dritën nga galaktikat që u deshën shumë miliarda vjet për të arritur tek ne.

Me mijëra njerëz dolën në rrugët e Tokios për t’i dhënë lamtumirën e fundit ish kryeministrit Shinzo Abe, i vrarë në një atentat pak ditë më parë. Makina me trupin e pajetë të kryeministrit kaloi pranë ndërtesave të institucioneve shtetërore ku ai zhvilloi aktivitetin e tij në dekadat e fundit, për t’u vendosur në tempullin Zojoji ku ceremonia ishte private për familjen dhe miqtë e ngushtë.

Gjermania, ekonomia e katërt më e madhe në botë, po përgatitet për të gjithë skenarët, përfshirë edhe ndërprerjen e plotë të furnizimeve me gaz natyror rus pasi të përfundojë periudha e rregullt 10-ditore e mirëmbajtjes në tubacionin Rrjedha Veriore 1.

Kryeministri i ri i Mbretërisë së Bashkuar për të zëvendësuar Boris Johnson në largim do të shpallet më 5 shtator, tha të hënën partia në pushtet Konservatore, me 11 kandidatë që konkurrojnë aktualisht për këtë post.

Tetë anijet e para të huaja kanë mbërritur në portet e Ukrainës për të eksportuar grurë, ndërsa Marina ukrainase është e angazhuar për të siguruar transport të sigurt. Lajmi është bërë i ditur në Facebook nga shërbimi për shtyp i Marinës.

Kryeministrja e Francës, Elisabeth Borne, të hënën i mbijetoi mocionit të parë të mosbesimit në Parlament, mocion i sponsorizuar nga opozita e krahut të majtë