Sociale

Mbi 27 mijë maturantë iu nënshtruan këtë të martë provimit të tretë të maturës shtetërore atë të Matematikës. Vetëm pak nga nisja e provimit, në rrjetet sociale doli teza. Testimi i radhës dhe i fundit, është ai me Zgjedhje, 24 qershor

Nga

Mahir Jangulli

Me koncert festiv dhe panair me produkte bio, Dibra çeli sezonin turistik. Këtë vit ndryshe nga herët e tjera, panairit i mungonin qershitë, pasi fruti simbol i kesaj zone u demtua nga ngricat e breshëri. 

Bashkia e Himarës ka urdhëruar pezullimin e të gjitha punimeve ndërtimore në zonën turistike të qytetit nga 15 qershori deri më 15 shtator, për të ruajtur ambientin dhe pamjen gjatë sezonit turistik. Subjektet ndërtuese duhet të sigurojnë mbulimin e objekteve me materiale estetike, për të krijuar një ambient të këndshëm për pushuesit.

Eurostat bëri të ditur se në janar-mars janë shënuar gjithsej 1445 kërkesa për azil nga shtetas shqiptarë në BE, me një rënie prej 30% në krahasim me të njëjtën periudhë të një viti më parë. ky është numri më i ulët i kërkesave për azil që nga e njëjta periudhë e vitit 2021, kur kishte kufizime të lëvizjeve për shkak të pandemisë.

Nga

Aldo Mustafa

Hekurudha Shqiptare në Durrës ka larguar nga puna 47 punonjës të mirëmbajtjes. Ata protestuan sot duke e konsideruar vendimin të padrejtë. Të gjithë të larguarit, ishin të angazhuar në linjën hekurudhore të Bajzës që shërben për transportin e zhavorrit drejt Malit të Zi.

Nga

Marsela Topi

Mbi 240 familje në Varibop të Fierit vuajnë mungesën e ujit të pijshëm në verë. Ata protestuan këtë të hënë, duke kërkuar të merren masa nga Drejtoria e Ujësjellësit në Fier. Sipas banorëve, prej muajit maj, uji shkon në çezma me orar të reduktuar, vetëm 10 minuta në ditë.

Një koncert recital i këngëtarit të mirënjohur shkodran, Bujar Qamili, ka përplasur Bashkinë e Shkodrës si organizatore, me klubin e futbollit të këtij qyteti, KF Vllaznia. Edhe FSHF nuk mbështet aktivitete të tjera jo sportive në impiant.

Ministria e Bujqësisë njofton se prej datës 4 qershor e deri më tani janë prekur 8 ferma në 6 bashki të vendit. Për shkak të murtajës kanë ngordhur 39 krerë dhe 1082 të tjera kanë pasur kontakt me to, për këtë arsye janë asgjësuar.

Nisi sot zbatimi i modelit të ri të Shkollës Verore në 10 shkolla publike në Tiranë, Kamëz dhe Durrës. Ky program përfshin fëmijët nga klasa e parë deri në të pestën, duke kombinuar mësimin me argëtimin, kujdesin dhe socializimin

Nga

Aldo Mustafa

Mjeti lundrues, i gjatë 110 metra, është një superjaht modern me pronësi australiane, ndërtuar në vitin 2022. Me 83 pasagjerë dhe 75 anëtarë ekuipazhi në bord, kroçera do të qëndrojë në Durrës deri në orën 19:00, përpara se të vijojë lundrimin drejt Brindizit, Itali. Para mbërritjes në Durrës, kroçera ka ndaluar për disa orë në portin e Sarandës, në jug të vendit

Sipas Shërbimit Meteorologjik Ushtarak moti parashikohet i kthjellët në të gjithë territorin pa përjashtuar kalime të pakta të vranësirave në relievet malore në orët e mesditës.

Nga

Agim Pipa

“Agroturizëm në Katundin e Vjertër” është ftesa për ju miq, përmes një reportazhi të realizuar në malsinë e Rubikut, në një fshat me tradita mikpritjeje në kullat e lashta dhe kullat moderne.

Fjala e Patriarkut Ekumenik,  Vartholome gjatë vizitës së delegacionit shqiptar në Kostantinopojë dhe vlerësimi maksimal për Fortlumturi Joanin: “Zoti ju ka pajisur bujarisht me virtyte: me trimëri dhe fisnikëri, me ndershmëri dhe përkushtim, me njohuri të thella, me formim teologjik dhe shpirtëror, me zgjuarsi dhe zell të pashuar, me besnikëri të devotshme ndaj rregullit kishtar dhe me dashuri sakrifikuese për popullin tuaj, për bashkepiskopët dhe bashkëpunëtorët tuaj, për atdheun tuaj të bekuar.”

Nga

Imzot Joan Pelushi

Kisha jonë, pas dekadash ateizmi të dhunshëm dhe persekutimesh, njohu një rilindje të mrekullueshme. Të rinj, të cilët nuk e kishin trashëguar besimin nga prindërit e tyre, erdhën për të kërkuar Krishtin. Nuk kishim kisha madhështore, as programe të organizuara, por kishim dashurinë dhe autenticitetin.

Nga

Kristaq Thano

Në një dyqan të vogël të Fierit, 71-vjeçari Vasillaq Prifti ka ngritur një tempull të kujtesës kombëtare. Prej 17 vitesh, ai ka mbledhur me përkushtim objekte të vjetra nga zona të ndryshme të vendit, duke ruajtur me fanatizëm copëza nga historia dhe tradita shqiptare.

Nga

Joana Preja

Stërvitja ndërkombëtare “Defender 25” solli në Shqipëri 1 mijë e 200 trupa amerikane, mes tyre edhe dy ushtarakë me origjinë shqiptare, rreshterin Taulant Halilaj dhe kapitenen Hatixhe Collaku. Të dy rrefejnë për Report tv emocionet që përjetuan në këtë mision ndërsa ndajnë historinë e migrimit të familjeve të tyre dhe rrugëtimin në ushtrinë amerikane.

Nga

Ergys Kavaja

Me vrap nga Anglia në Shqipëri. Kjo është sfida e realizuar me sukses nga emigranti shqiptar Seb Ponari, i cili vrapoi për rreth 40 ditë duke përshkruar 2750 km nga Cambridge, për të mbërritur në Tropojë, në 10 vjetorin e vdekjes së babait.