Sport

Serie A e futbollit vijojë këtë të diel me pesë ndeshjet e mbetura të javës së tetë. Në 12:30 gjithçka nisi me fitoren 3-0 në Monzës kundër Salernitanës. Në 15:00 Lazio fitoi 3-2 me Atalantën në "Olimpico", me Hysaj dhe Gjimshiti që ishin titullarë në derbin e shqiptarëve. Roma fitoi 1-4 me Cagliarin. Në mbrëmje, Napoli humbi 1-3 në shtëpi me Fiorentinën.

Ministria e Kulturës dhe Sporteve e Izraelit ka njoftuar se të gjitha ngjarjet sportive janë anuluar deri në një njoftim të dytë, pas një sulmi të papritur nga Hamasi palestinez në pjesën jugore dhe qendrore të vendit.

Bundesliga gjermane e futbollit zhvilloi këtë të shtunë pesë nga ndeshjet e javës së shtatë. Ra në sy fitorja 3-1 e Stuttgart kundër Wolfsburg, me vendasit që mbajnë kreun e renditjes me 18 pikë.

UEFA ka përditësuar renditjen e klubeve Europiane pas ndeshjeve të Champions League, Europa dhe Conference League. Bie në sy se në renditen e re sërish Manchester City qëndon në krye.

Max Verstappen ka fituar kampionatin e tretë botëror radhazi në Formula 1 me Red Bullin.

La Liga e futbollit në Spanjë është në javën e nëntë. Në 14:00 këtë të shtunë gjithçka nisi me fitoren 0-1 të Gironës në transfertë kundër Cadiz. Në 16:15 Real Madridi fitoi në shtëpi 4-0 me Osasunën. Ndërkohë, Mallorca barazoi 1-1 me Valencian, teksa Vedat Muriqi asistoi.

Tirana fitoi 0-1 me Vllazninë në stadiumin e Kukësit, për javën e tetë në Superligë. Në "Kukës Arena" të pranishëm ishin tifozët e të dyja skuadrave, që pas përfundimit të sfidës janë përleshur mes tyre në Reps. Rrugës për në kthim, ultrasit nuk kanë lënë pa përdorur sendet e forta kundër njëri-tjetrit, në një përleshje të dhunshme. Të dyja tifozeritë njihen për rivalitetin ndër vite.

Serie A e futbollit është në javën e tetë dhe kjo e shtunë sportive nisi në 15:00, aty ku Interi barazoi 2-2 kundër Bolognas në shtëpi. Në 18:00 Juventusi fitoi 2-0 derbin me Torinon, teksa në 20:45 Milani fitoi 0-1 në Genoa dhe merr kreun e Serie A.

Premier League e futbollit në Angli është në javën e tetë. Këtë të shtunë gjithçka nisi në 13:30, me Tottenham që fitoi 0-1 në transfertë kundër Luton dhe siguroi vendin e parë në renditje. Chelsea fitoi 1-4 me përmbysje kundër Burnley, me Brojën që luajti si titullar. Në fushë edhe Thomas Strakosha që debuton këtë sezon, me Brentfordin e tij që ishte pa fat dhe humbi 2-1 me Manchester United.

Kategoria e Parë e futbollit në Shqipëri ka zhvilluar këtë të shtunë katër nga gjashtë ndeshjet e javës së shtatë. Me fillim në 14:00, te tri pikët kanë dalë Bylis, Flamurtari, Lushnja dhe Apolonia.