Bota

Në të shkuarën katër balona spiune kineze kanë fluturuar mbi Shtetet e Bashkuara mbi vendndodhje që konsideroheshin "me interes për kinezët", tha Pentagoni të mërkurën, por pa dhënë hollësi se çfarë trajktoresh kishin përshkuar ato, apo nëse kishin kaluar mbi ndonjë objekt ushtarak.

Pas vizitës në Bruksel ku ishin të pranishëm liderët e BE, presidenti ukrainas Volodymyr Zelensky pritet të shkojë në Poloni ku do të takohet me kreun e shtetit polak, Andrzej Duda. Vizita nuk është konfirmuar zyrtarisht, por nuk jepen detaje në lidhje me lëvizjet e liderit ukrainas për arsye sigurie.

Numri i viktimave nga tërmeti tragjik në Turqi dhe Sirinë veriore i ka kaluar 21 mijë persona. Ndërkohë që  pothuajse janë shuar shpresat për mijëra persona të tjerë të mbetura nën rrënoja pasi kanë kaluar më shumë se 72 orë që nga lëkundja e fuqishme prej 7.9 ballë që solli shkatërrimin e dhjetëra mijëra ndërtesave.

Emigrantë shqiptarë kanë qenë në qendër në vëmendjes nga qeveria britanike. Qeveria e kryeministrit Rishi Sunak ka paralajmëruar masa të rrepta për azilkërkuesit shqiptarë. “The Guardian” i ka dedikuar një shkrim të gjatë retorikave kundër shqiptarëve nga figurat mediatike si edhe nga politikanët britanikë. Nga ana tjetër, në shkrimin e “The Guardian” theksohet edhe humbja e fëmijëve shqiptar.

Identifikimi i viktimave të tërmeteve në Turqi është një nga ato proceset dramatike. Mijëra trupa të mbuluar me batanije kanë mbushur stadiumet e fusha, ndërsa të afërmit shkojnë i zbulojnë për të gjetur njerëzit e tyre

Meghan Markle dhe princ Harry mund të merren në pyetje sepse janë akuzuar për shpifje nga motra e Meghan Markle. Samantha Markle ka paditur Meghan për "shpifje dhe gënjeshtra të dëmshme", duke përfshirë pretendimet, në një intervistë televizive të Oprah Winfrey, se është "fëmijë i vetëm". Ajo po kërkon 75,000 dollarë dëmshpërblim në një çështje të paraqitur në mars 2022

Të martën marina amerikanë nisi të nxjerrin nga thellësitë e oqeanit Atlantik, pjesë të balonës spiune kineze. Ata po përdorin dronë të sofistikuar për të zbuluar dhe gjetur mbetjet e saj.

Tetë figura të njohura të opozitës iraniane kanë njoftuar se do takohen të premten në Universitetin Georgetoën në Uashington për të diskutuar të ardhmen e demokracisë në Iran, dhe për revolucionin për të drejtat e grave me titull: E ardhmja e Lëvizjes për Demokraci të Iranit. 

Nga

Enxhi Musaj

Report Tv ka intervistuar një mjek me origjinë turke në Tiranë. Mjeku patolog Taner Akdamar së bashku me vajzën e tij Aysu tregojnë momentet e ankthit dhe stresit që kanë përjetuar për të afërmit e tyre të zemrës të cilët jetojnë në zonat më të prekura nga tërmeti në Turqi. Me sy e vesh nga mediat turke për të gjithë raportimet nga vendngjarja babe e bijë tregojnë dhe momentin ku pas 40 orësh nën rrënoja u gjet me shenja jeta e afërmja e tyre vetëm 19 vjeç.

Koha po mbaron për të mbijetuarit e bllokuar nën rrënojat e tërmeteve në Turqi dhe Siri, teksa përpjekjet e kërkim-shpëtimit po i afrohen kufirit vendimtar prej 72 orësh, tha një ekspert i reagimit të shpejtë dhe shpëtimit, të mërkurën.