Bota

Kryeqyteti gjerman, Berlini, po zgjeron një strehë të përkohshme refugjatësh në ish-aeroportin e tij, Tegel, për të akomoduar 3600 ukrainas.

Votuesit në katër shtete votuan të martën në favor të propozimeve për mbrojtjen e qasjes ndaj abortit. Përkrahësit e abortit fituan në shtetet e udhëhequra nga demokratët, Kaliforni dhe Vermont. Ndalimi pothuajse i plotë i abortit pësoi disfatë edhe në Kentaki, një shtet ku konservatorët i fitojnë zgjedhjet me lehtësi.

Presidenti Biden dhe këshilltarët e tij i ndoqën votimet nga Shtëpia e Bardhë deri në orët e hershme të mëngjesit të mërkurën, ndërsa presidenti telefonoi mbi 30 kandidatë demoktratë për t’u uruar fitoret.
 

Parlamenti francez miratoi të mërkurën ndryshimet në buxhetin e vitit 2022, që synojnë të zbusin tronditjen e rritjes së çmimeve deri në fund të vitit. Projektligji parashikon pagesën e një çeku energjie prej 100 euro (100 dollarë) deri në 200 euro për 12 milionë familjet me të ardhura më të ulëta.

Policia britanike dhe belge po ndjek një trafikant të qenieve njerëzore, i cili dyshohet se drejtonte një grup të krimit të organizuar që kishte kontrabanduar më shumë se njëqind emigrantë në Britani.

Samiti i ardhshëm i liderëve të NATO-s do të zhvillohet në Vilnius, Lituani më 11-12 korrik, deklaroi NATO të mërkurën.