Bota

Bregu lindor i gadishullit të Floridës është goditur nga uragani i kategorisë 1 Nicole me erëra që shkojnë deri në 120 km/h, duke lënë 233 mijë familje pa energji dhe duke detyruar autoritetet të urdhërojnë evakuime. Gjithashtu, mbi 1200 fluturime gjithashtu janë anuluar brenda dhe jashtë SHBA-së për shkak të uraganit.

Presidentja e Komisionit Evropian, Ursula von der Leyen, bëri një vizitë zyrtare në Moldavi të enjten, e cila njoftoi një paketë mbështetjeje prej 250 milionë euro për të ndihmuar vendin të kalojë një krizë akute energjetike dimërore, për shkak të luftës Ukrainë-Rusi.

Ministri i Jashtëm i Suedisë, Tobias Billstrom, tha të enjten se do të shkojë në Ankara për të shtyrë përpara ofertën e pranimit të vendit të tij në NATO

Britania dhe Zvicra po arrijnë një marrëveshje për bashkëpunimin shkencor, pasi të dyja u bllokuan nga aksesi në programin kryesor të inovacionit prej 80 miliardë paund të BE-së për shkak të mosmarrëveshjes politike.

Drejtoria Antimafia e Rrethit të Prokurorisë Publike italiane, po zbatojnë në të gjithë territorin një urdhër për arrestimin e 42 personave italianë, spanjollë dhe shqiptarë, të përfshirë për trafik ndërkombëtar droge dhe të lidhur edhe me organizata mafioze.

Një 22-vjeçar shqiptar së bashku me dy shtetas grekë kanë rënë në prangat e policisë greke pasi akuzohen për shitje të lëndëve narkotike.

Mbreti Charles ka zbuluar një statujë për nënën e tij të dashur në Yorkshire, e para që është vendosur që nga vdekja e saj. Skulptura është 2 metra e lartë dhe u projektua për të festuar jubileun e Platinit të Mbretëreshës së ndjerë dhe u përfundua në gusht, një muaj para se të vdiste.

Republikanët iu afruan një mazhorance të ngushtë të Dhomës së Përfaqësuesve të mërkurën, ndërsa kontrolli i Senatit varej nga disa gara të ngushta në zgjedhjet afatmesme që sfiduan pritshmëritë për fitore. Republikanët duhet të fitojnë 51 vende për të fituar kontrollin e Senatit, ndërsa demokratët duhet të fitojnë 50 vende për të ruajtur kontrollin.

Të mërkurën, Rusia lajmëroi se do të largonte përfundimisht trupat nga rajoni jugor i Khersonit. Shumë e kanë konsideruar këtë një fitore për Ukrainën, njëri prej të cilëve ka qenë edhe presidenti Biden, por zyrtarët në Kiev nuk janë po aq të bindur, duke sugjeruar se ky mund të jetë një komplot strategjik i ushtrisë ruse për të rimarrë Khersonin atëherë kur askush s’e pret.

Numri i të vdekurve nga kolera në Haiti ka shkuar në 136 dhe gjendja po përkeqësohet çdo ditë. Sipas Ministrisë së Shëndetësisë në Haiti, tetëdhjetë e nëntë nga personat që u infektuan vdiqën në spital ose në qendrat e trajtimit të kolerës, ndërsa 47 prej tyre vdiqën në shtëpi, raporton CNN.