Bota

Organizata e Kombeve të Bashkuara ka kritikuar Francën për ndalimin e mbajtjes së shamisë për gratë edhe vajzat e fesë myslimane nëpër shkolla.

Senati amerikan do të votojë të mërkurën për pranimin e Finlandës dhe Suedisë në NATO, zgjerimi më domethënës i aleancës me 30 anëtarë që nga vitet 1990, ndërsa ajo përballet me pasojat e agresionit rus në Ukrainë.

Armenia i ka bërë thirrje komunitetit ndërkombëtar që t’i ndihmojë që të ndalë “veprimet agresive” të Azerbajxhanit, pas shpërthimit të dhunës në rajonin e shkëputur të Nagorno Karabakut.

Qeveria gjermane më 3 gusht tha se do të kthejë masat kundër COVID-19 në vjeshtë, periudhë kur ekspertët presin që rastet me COVID-19 të rriten sërish, pasi njerëzit kalojnë më shumë kohë në ambiente të mbyllura

Kryenegociatori i Iranit për çështje bërthamore, Ali Bagheri Kani është nisur për në Vjenë në përpjekje për të ringjallur marrëveshjen bërthamore që Teherani ka nënshkruar më 2015 me fuqitë botërorE.

Administrata e Biden ka miratuar dy shitje masive armësh për Arabinë Saudite dhe Emiratet e Bashkuara Arabe për t'i ndihmuar ata të mbrohen kundër Iranit. Më shumë se 5 miliardë dollarë në mbrojtjen raketore dhe shitjet e lidhura me to pasojnë vizitën e Presidentit Joe Biden në Lindjen e Mesme muajin e kaluar, gjatë së cilës ai u takua me udhëheqës të shumtë rajonalë në Arabinë Saudite .

Presidenti amerikan, Joe Biden do të nënshkruajë të mërkurën një urdhër ekzekutiv që synon ta bëjë më të lehtë udhëtimin mes shteteve për gratë që kërkojnë abort. Me vendimin e Gjykatës Supreme, aborti nuk është bërë me automatizëm ilegal në SHBA – mirëpo shtetet mund të vendosin nëse do të lejojnë diçka të tillë. Rreth gjysma e shteteve amerikane, sidomos në jug, pritet që të ndalojnë tërësisht këtë procedurë, duke miratuar ligjet që ndalojnë abortin.

Shtetet e Bashkuara kanë vrarë liderin e Al-Kaidës, Ayman al-Zawahiri, në një sulm me dron. Zyrtarët në Uashington thanë se ai u vra teksa po qëndronte në ballkonin e shtëpisë së tij në qendër të Kabulit, në Afganistan. Vrasja e al-Zawahirit konsiderohet si goditja më e madhe ndaj këtij grupi militant qëkur u vra Osama bin Laden më 2011

Pak kohë pasi kishte lindur dielli më 31 korrik, udhëheqësi i organizatës terroriste Al-Kaeda, Ayman al-Zawahiri doli në ballkonin e banesës së tij, në qendër të Kabulit. Kjo do të ishte ishte gjëja e fundit që ai do të bënte, kur në orën 06:18, dy raketa u përplasën në ballkonin ku po qëndronte, duke vrarë 71-vjeçarin, ndërsa gruaja dhe vajza e tij, të cilat ishin në banesë dhe nuk morën asnjë lëndim.

Ekstremistët e djathtë të "Fratelli d‘Italia" tani para zgjedhjeve të parakohshme në shtator kryesojnë me 22 përqind, nga katër përqind më 2018. Kryetarja Girogia Meloni mund të bëhet e para grua kryeministre e Italisë.

SHBA-të u kanë bërë thirrje qytetarëve të saj që të jenë vigjilentë kundrejt dhunës së mundshme anti-amerikane jashtë vendit pas vrasjes së liderit të Al-Kaedës, Ayman al-Zawahiri, raporton BBC-ja.

Kryetarja e Dhomës së Përfaqësuesve të Shteteve të Bashkuara, Nancy Pelosi, tha se dëshiron ta bëjë “të qartë” se Shtetet e Bashkuara nuk do ta braktisin Tajvanin, ndërsa fliste nga zyra presidenciale.