Bota

Ish-presidenti francez  Nicolas Sarkozy është shpallur fajtor për financimin ilegal të fushatës së tij për t'u rizgjedhur në vitin 2012. dhe është dënuar me 1 vit burgim. Vendim ky që vjen shtatë muaj pasi ai u dënua në një rast korrupsioni dhe ndikimi të tregtisë.

Në përpjekje për të garantuar sigurinë e këmbësorëve , një qytet në Danimarkë ka ndërmarrë nismën për të krijuar kalimet të këmbësorëve 3D.

Vullkani Cumbre Vieja në ishullin Spanjoll La Palma, i ka shkaktuar vendit një dëm të paktën 400 milionë euro.

Kompania me mbi 67 mijë punonjës tha se 99 për qind e punonjësve tashmë kanë përfunduar vaksinimin, duke shtuar se personat që do të përjashtohen nga puna përbëjnë 1 për qind

Pas deklaratave të motrës së së Kim Yong Un, kësaj here ishte radha e liderit të Koresë se Veriut, të deklarojë se është i gatshëm të rikthejë linjat e komunikimit me Korenë Jugore para fillimit të tetorit.

Skepticizmi në rritje i qytetarëve kundër vaksinimit, i nxitur kryesisht nga shpërndarja e informacionit të rremë në rrjetet social, ka nxitur Youtube të deklarojë se do të bllokojë shfaqjen e gjithë materialeve kundër vaksinave.

Qeveria e Francës i bëri thirrje të mërkurën kreut të Organizatës Botërore të Shëndetësisë (OBSH) që të mbajë premtimin e tij për një "plan veprimi" për të luftuar aktet e abuzimit seksual nga punonjësit e OBSH-së.

Zyrtarë të lartë të ushtrisë amerikane po vazhdojnë sot të japin dëshmi në Kongres mbi tërheqjen dhe evakuimin e ushtrisë amerikane nga Afganistani. Në seancën e djeshme në Senat, gjenerali Mark Milley e cilësoi evakuimin si "një sukses logjistik, por edhe si një dështim strategjik"

Më shumë se 100 persona kanë humbur jetën në një luftë mes bandave rivale në burgun e Ekuadorit, duke e bërë këtë rastin me dhunën më të keqe të burgut në historinë e vendit.

Presidenti tunizian Kais Saied ka emëruar Najla Bouden Romdhan si kryeministren e parë femër në Tunizi dhe botën arabe, dy muaj pasi ai shkarkoi qeverinë e mëparshme.

Administrata e Presidentit Biden, propozoi këto ditë një rregull të ri për të mbrojtur statusin e imigrantëve pa dokumenta të sjellë në Shtetet e Bashkuara kur ishin fëmijë, që aktualisht parashikohet nga programi DACA

Ende është e paqartë se kush do të jetë udhëheqësi i ri gjerman, pasi në zgjedhjet e së dielës asnjë partit nuk siguroi shumicën e duhur. Ndërkohë po vazhdojnë diskutimet mes partive rivale rreth krijimit të një koalicioni qeverisës. Aktualisht Olaf Scholz shihet si kandidati më i mundshëm për të pasuar Kancelaren Angela Merkel – por rezultati ende është i pasigurt.

Presidentët e Rusisë dhe Turqisë sot filluan bisedimet për frenimin e dhunës së përtërirë në veriperëndim të Sirisë dhe mbase zgjerimin e marrëveshjes për blerjen e sistemit rus të mbrojtjes raketore nga ana e Ankarasë.

Tre mace shtëpiake që rezultuan pozitive me koronavirusin u vranë në qytetin verilindor kinez të Harbinit, kështu raportuan mediat vendase të lidhura ngushtë me qeverinë. Mirëpo kjo ngjarje shkaktoi shumë zemërim tek qytetarët, duke çuar në një reagim të ashpër në mediat sociale. 

Presidenti turk Recep Tayyip Erdogan, pas një takimi të zhvilluar në Soçi të Rusisë me homologun e tij rus, Vladimir Putin, u shpreh se " ka dobi të mëdha në vazhdimin e marrëdhënieve tona Turqi-Rusi duke u forcuar çdo ditë e më shumë".

Koreja e Veriut tha se ka testuar me sukses një raketë të re hipersonike, të quajtur Hwasong-8, lajmi është konfirmuar nga agjencia shtetërore e lajmeve KCNA. Korea e Veriut theksoi se raketa e re është një nga “pesë sistemet më të rëndësishme” të armëve, të përfshira në planin pesëvjeçar të zhvillimit ushtarak.

Zhvillimi demografik në Gjermani po ndryshon edhe rregullat e lojës demokratike. Jo të rinjtë, por votuesit e moshuar vendosin për politikën e së ardhmes. Kjo është e rrezikshme, kritikon Astrid Prange.

Llava e vullkanit Cumbre Vieja, në ishullin La Palma edhe 10 ditë pas shpërthimit vazhdon të përhapet me shpejtësi dhe ka arritur në oqean. Një situatë e frikshme kur mendon për gazin toksik që krijohet. Llava arriti në oqean të martën në mbrëmje.