Bota

Agjensia Kombëtare e Zbulimit (CIA) ruante si burim të dhënash një person me qasje në nivelet e larta të Kremlinit, njoftuan gazeta The New York Times dhe rrjeti televiziv CNN. Informatori luajti një rol kryesor në vlerësimin se Presidenti rus Vladimir Putin udhëroi një fushatë ndikimi tek zgjedhjet amerikane të vitit 2016.

Me thirrjet "Orderrrr"- John Bercow, kreu i parlamentit britanik u bë shumë i njohur. Tani ai largohet, parlamenti britanik ndodhet në pushim të detyruar, Britania e Madhe - nëna e demokracisë si kurrë më parë në krizë.

Paolo Gentiloni do të jetë Komisioneri Evropian për Çështjet Ekonomike dhe Monetare. Kjo u njoftua nga Presidentja e zgjedhur e Komisionit Evropian, Ursula von der Leyen, e cila prezantoi ekipin e saj në Bruksel. Gentiloni është i pari italian që do të mbajë këtë post.

Në muajin gusht hapja e vendeve të reja të punës ra në 130 mijë, një nivel shumë i ulët krahasuar me mesataren mujore prej 223 mijë në vitin 2018. Në periudhën prill-qershor ekonomia amerikane u rrit me 2 për qind, duke shënuar rënie nga niveli prej 3.1 për qind i tre mujorit të parë të vitit.

Ursula von der Leyen dëshiron thuajse aq komisionere të BE-së sa komisionerë: 13 femra dhe 14 meshkuj, përfshirë edhe veten. Komisioni ka këtë herë, për shkak të Brexit-it, një karrige më pak se Komisioni i mëparshëm

Një ditë pas shpërthimit të polemikave për qindra të zhvendosur nga Bahamas, të cilët  u bllokuan në Freeport sepse nuk kishin viza për në Shtetet e Bashkuara, presidenti amerikan deklaroi "Ne duhet të jemi shumë të kujdesshëm. Nuk dua t'i lejoj të gjithë të vijnë në Shtetet e Bashkuara, ka njerëz shumë të këqij"

Parlamenti britanik nuk e mbështeti kërkesën e kryeministrit Boris Johnson për zgjedhje të reja. Në votimet e pasmesnatës propozimi i tij u mbështet nga 293 deputetë, ndërsa kundër votuan 46 syresh, duke e lënë atë pa shumicën.

Çdo 40 sekonda një person vetvritet. Kjo u njoftua nga Organizata Botërore e Shëndetit (OBSH) në funksion të Ditës Botërore të Parandalimit të Vetëvrasjeve. ‘Shumë pak vende në botë kanë hartuar dhe zbatuar strategji parandalimi’- paralajmërrojnë autoritetet më të larta shëndetësor në botë.

Kompania Tokio Electric Power, që operon termocentralin japonez në Fukushima, i cili u dëmtua rëndë nga tërmeti dhe tsunami në muajin mars të vitit 2011, ka vendosur të derdh një milion ton ujë të kontaminuar në Oqeanin Paqësor. Lajmi u bë i ditur nga Ministri i Mjedisit Yoshiaki Harada, i cili theksoi se ‘kjo është e vetmja mundësi e mundshme’.

Ajo që po ndodh në Kolumbi, nuk mund të mos quhet më masakër. Qindra liderë popullor, kandidatë të pavarur politikë dhe ish anëtarë të FARC, janë vrarë në muajt e fundit.

Bercow në fjalën e tij të lamtumirës kujtoi 10 vitet e tij si ‘spiker’, duke thënë se për të ‘ishte nder i madh”. Ai më pas mbrojti rolin e Parlamentit duke thënë se: Parlamentarët nuk janë delegatë, por përfaqësues të popullit.

Qeveria e re italiane ‘Conte 2’, një 'lindje e vështirë' e koalicionit mes Partisë Demokratike dhe Lëvizjes 5 Yjet, ka marrë dje në mbrëmje votëbesimin e Parlamentit me  343 vota pro dhe 263 kundër.

Presidenti amerikan Donald Trump synon të zbatojë ligjin e hakmarrjes pas sulmeve të fundit të Talibanëve në Afganistan që i kanë dhënë fund, të paktën tani për tani, samitit që do të organizohej në Camp David midis drejtuesve afganë dhe vetë presidentit

“Duhet ta përmirësojmë këtë pakt stabiliteti dhe aplikimin e tij, për të mbështetur investimet, përfshirë ato që duhet të mundësojnë zhvillime që respektojnë mjedisin dhe barazinë në planin shoqëror”, u shpreh Conte para deputetëve, gjatë paraqitjes së programit të qeverisë së tij para votëbesimit.

Reporteri i Wsnn, (bashkëpunëtori i CNN) Brian Entin, ka denoncuar faktin përmes një postimi në Twitter.

Temperaturat e larta thyen rekorde edhe në vende të tjera të Evropës, përfshirë Mbretërinë e Bashkuar, Belgjikën, Gjermaninë, Luksemburgun dhe Holandën.

Autoritetet rumune po hetojnë kundër një projekti gjerman të riedukimit të minorenëve me probleme, për shkak të akuzave të trajtimit si skllevër të tyre. Drejtuesit e kampit i hedhin poshtë akuzat.

Do ta injorojë Boris Johnson ligjin kundër një Brexiti pa marrëveshje? Nga e hëna, parlamenti do të detyrohet të nis pushimet pesë javore. Johnson pritet të kërkojë edhe njëherë votën e Dhomës së Ulët për zgjedhje të reja.

Ato ishin arma e tij e fshehtë që e lejuan të rritej dhe të shndërrohej në një prej trafikantëve të drogës më të mëdhenj në botë. Por, që prej dërgimit të El Chapo-s  pas hekurave,  ato janë bërë “trofeu” i lakmuar nga të gjithë.