Bota

Ka arritur në 93,129 numri global i të infektuarve nga koronavirusi, ndërsa 3,200 persona kanë humbur jetën teksa shpërthimi i COVID-19 vazhdon të përhapet në të gjithë globin. Shpërthimi më i keq jashtë Kinës deri tani është në Iran dhe Korenë e Jugut, por edhe Italia me 79 viktima deri tani, 2 mije e 500 persona konfirmohen të infektuar. 9 viktima janë shënuar deri tani në SHBA. Ndërkaq, Irani ka vendosur lirimin përkohësisht të më shumë se 54 mijë të burgosurve në përpjekje për të parandaluar përhapjen e koronavirusit.

Flota e 6-të e marinës amerikane në Evropë po krijon një vetë-karantinim 14-ditor për shkak të shqetësimit mbi koronavirusin. Anijet do të qëndrojnë në det të hapur për të paktën 14 ditë para se të vizitojnë ndonjë port në Evropë për të ndihmuar në parandalimin e përhapjes së koronavirusit.

Kreu i Organizatës Botërore të Shëndetësisë Tedros Adhanom Ghebreyesus u bëri thirrje të martën njerëzve në të gjithë botën të mos grumbullojnë maska dhe mjete të tjera mbrojtëse, duke thënë se ato, janë të nevojshme vetëm për punonjësit e shëndetit që luftojnë koronavirusin.

19 njerëz vdiqën në qytetin Nashville, në shtetin e Tennesse, për shkak të dhunës së një tornadoje që shkaktoi gjithashtu një ndërprerje të mëdha të energjisë elektrike

Forcat e regjimit të Bashar al-Asadit dhe aleatët e tyre kanë intensifikuar bombardimet në zonat e kontrolluara nga rebelët dhe, sipas Ministrisë së Mbrojtjes së Turqisë, njëri prej ushtarëve të saj është vrarë dhe të tjerët janë plagosur

Në Pekin, ‘tabelat e kuqe’ u këshillojnë njerëzve të mos shtrëngojnë duart  me njëri tjetrin.

Qëkurse Ankaraja i hoqi ‘tapën’ krizës humanitare në rajonin verilindor të Sirisë, në grupe të mëdha e të vogla, mijëra emigrantë nga Turqia prej ditësh po tentojnë të hyjnë në kufijtë e BE, duke përdorur tokën greke

Ndërkohë qeveria e kryeministrit Conte ka përgatitur edhe një terapi intensive ekonomike. Në dekretin e ri parshikohet ulje taksash dhe rritje e kredive për një total prej 3.6 miliardë euro. Masat do të shtrihen në të gjithë vendin dhe do të stimulojnë sektorët më të prekur: turizmin, logjistikën dhe transportin

Përhapja e virusit korona në Evropë po vazhdon. Numri i rasteve të infektimeve në Evropë është shtuar dukshëm ditët e fundit. Ndaj po shtohet edhe angazhimi kundër sëmundjes.

Në Izrael po zhvillohen zgjedhjet e përgjithshme, të tretat në 12 muajt e fundit. Votuesit do të vendosin nëse do t'i japin Kryeministrit Benjamin Netanyahu një mandat të ri, apo do të zgjedhin një drejtim të ri me ish-shefin e ushtrisë Benny Gantz.

Kancelarja gjermane, Angela Merkel ka reaguar përsa i përket krizës me refugjatët dhe sulmeve në Ildib. Në një bashkbisedim me gazetarët, Merkel tha se ajo e kupton se Ankaraja ishte duke pritur për më shumë mbështetje nga Evropa për të përballuar krizën e refugjatëve, ndërsa vë në dukje se Presidenti turk  Rexhep Taip Erdogan , "nuk duhet të përdor refugjatët për të shprehur pakënaqësinë e tij".