Kosova & Rajoni

Nga e hëna, më 15 gusht, qytetarët e Kosovës do të përballen me reduktime të energjisë elektrike, ka bërë të ditur Kompania Kosovare për Shpërndarjen e Energjisë Elektrike (KEDS). Reduktimet, sipas KEDS-it, do të nisi nga ora 08:00 dhe konsumatorët do të kenë gjashtë orë energji elektrike dhe dy orë reduktime.

Një ceremoni përkujtimore u mbajt të dielën në Cetinje të Malit të Zi për ata që humbën jetën pasi një sulmi me armë zjarri nga një 34-vjeçar. Dhjetë persona, përfshirë dy fëmijë, u vranë të premten dhe policia thotë se autori kohët e fundit kishte shfaqur një “ndryshim në sjellje”.

Bashkimi Evropian ka ftuar liderët politikë në Kosovë dhe Serbi që menjëherë t’i japin fund retorikës nxitëse dhe të veprojnë me përgjegjësi. BE-ja ka shprehur shqetësim për deklaratat në të cilat përmenden lufta dhe konflikti, dhe ka shtuar se “do t’i mbaj përgjegjës liderët politikë për çfarëdo përshkallëzimi të situatës në rajon”.  Kështu thuhet në deklaratën e 14 gushtit të BE-së, dërguar nga zëdhënësi, Peter Stano.

Një 18-vjeçare është rrëmbyer dy ditë më parë në Kosovë nga dy të rinj, të cilët kanë ushtruar dhunë fizike ndaj saj. Dy të rinjtë, kanë marrë me forcë 18-vjeçaren dhe e kanë futur në makinën e tyre, ndërsa sipas policisë së Kosovës i kanë shkaktuar dëme fizike 18-vjeçaren nga dhuna që ka ushtruar.

Mbi 2000 persona kanë hequr dorë nga shtetësia e Kosovës nga janari deri në fund të korrikut të vitti 2022. Kryesisht kjo është bërë nga ata persona që jetojnë në shtetet e Bashkimit Evropian ku nuk u lejohen të kenë dy shtetësi.

Presidenti i Shqipërisë, Bajram Begaj do kryeje një vizitë zyrtare në Kosovë, që do të jetë vizita e parë jashtë shtetit që prej marrjes së mandatit si president.

Komuna e Prishtinës ka ndaluar përdorimin e skuterave, motorëve dhe biçikletave elektrike nëpër sheshet dhe hapësirat publike të kryeqytetit.

Athina është alarmuar mëngjesin e sotëm, ku një 35-vjeçar i pa identifikuar ka hyrë në parkimin e Gjykatës së Apelit të Athinës duke pretenduar se kishte eksploziv dhe lëndë narkotike brenda makinës.

Një konflikt për qiranë e banesës shkaktoi 10 viktima dhe 6 të plagosur mbrëmjen e së premtes në Malin e Zi. Për këtë ngjarje të rëndë, qeveria malezeze ka shpallur tre ditë zie. Autori 34-vjeçar, Vuko Boriloviç hyri në banesën e qiramarrësve të tij dhe vrau 2 fëmijë. Telefonata e tij e fundit ishte me babain e 2 viktimave, të cilit i tha: "Të vrava familjen".