Kronikë

Servet Bokçiu 19 vjeç që u denoncua i humbur nga familjarët në emisionin 'Pa Gjurmë' në Report Tv është gjendur pa shenja jete te diga e liqeni të Paskuqanit në Kamëz.

Policia ka shtuar kontrollet në pikën kufitare të Morinës ndaj shtetasve dhe mjeteve me të cilat ata lëvizin, në kuadër të planit të masave të Policisë, për garantimin e rendit, sigurisë dhe qetësise publike, para, gjatë dhe pas ndeshjes së futbollit Shqipëri - Çeki.

Një 31-vjeçar është arrestuar në Krujë, pasi përshtati një ambient pranë shtëpisë së tij, për tharjen e bimëve narkotike. I përfshirë në këtë rast, është edhe një 16-vjeçar nga Fushë-Kruja, i cili u vu nën hetim, ndërsa një tjetër është shpallur në kërkim.

Nëntë persona u arrestuan në një operacion të policisë në disa qytete kundër transportimit të emigrantëve të paligjshëm që hynin në shqipëri nga greqia për të kaluar më pas në mal të zi. Për një shtetas të huaj, grupi merrte 3500 deri në 5 mijë euro.

Pak ditë pas dëshmisë së të penduarit Artan Tafani për planin e Laert Haxhiut për vrasjen e saj, prokurorja e SPAK Doloresa Musabelliu mbrojti akuzën në gjyq ku kërkoi proces në mungesë ndaj të akuzuarit për vrasjen e dyfishtë në Lushnje në vitin 2017. Shkak u bë fakti se Laert Haxhiu, që ndodhet në burg në Greqi, ka refuzuar dy herë njoftimin për gjyqin që po zhvillohet ndaj tij në Tiranë.

Një i ri ka përfunduar në prangat e bluve të Tiranës, pasi dy ditë më parë ka vjedhur rreth 8000 euro dhe sende me vlerë, në banesën e të afërmit të tij në Unazën e Re, në Tiranë.

Nga

Julian Shota

Prej disa ditësh në Fushë-Krujë janë bllokuar furgonat që transportojnë nxënësit e fshatrave, drejt qytetit pasi nuk disponojnë licencë. Prindërit kanë dalë në protestë, ndërsa bashkia thotë se në fshatra janë ndërtuar shkollat e reja nga BE-ja, ndaj fëmijët duhet të mësojnë pranë vendbanimit të tyre.

Një rast i shitjes dhe blerjes së kanabisit është goditur nga policia , e cila ka vënë në pranga një 23-vjeçar që u kap ‘mat’ teksa i shiste doza kanabisi një 20-vjeçari në një lagje në Divjakë. Ky i fundit u vu nën hetim në gjendje të lirë.

Një aksident është shënuar mesditën e sotme në Lezhë, ku një makinë ka përplasur një të moshuar me biçikletë. I plagosuri është dërguar drejt spitalit, ku po merr ndihmë mjekësore nga bluzat e bardha.

Një 15-vjeçar është vënë nën hetim nga Policia Elbasan, pasi ushtroi dhunë fizike ndaj babait të tij.

Një numër rekord policësh janë angazhuar pasi Shqipëria është në vëzhgim në ndeshjen me Çekinë sa i përket masave të sigurisë. Ministri i Brendshëm dhe krerët e policisë u takuan me presidentin dhe zyrtarët e FSHF ku thanë se nëse përsëriten incidentet e ndeshjes me Poloninë, rrezikojmë të luajmë me kufizime për tifozët në takimin e ardhshëm me Ishujt Faroe.  

Tre kandidatë kanë aplikuar deri tani për tu bërë pjesë e Prokurorisë së Posaçme.

Një operacion për trafikimin e paligjshëm të emigrantëve që vijnë kryesisht përmes pikave kufitare me Greqinë është zhvilluar në orët e fundit në disa qytete në vend.

Tre persona në pranga dhe 4 të tjerë nën hetim ka qenë bilanci i operacionit antidrogë në fshatin Bishan të Vlorës ditën e djeshme.

Është shtyrë për 17 tetor seanca e parë të procesit gjyqësor ndaj Fredi Belerit në GJKKO.

Automjeti i një efektivi në Pogradec është përfshirë nga flakët këtë mëngjes. Ngjarja ka ndodhur në lagjen numër 3 të qytetit të Pogradecit.