Kronikë

Dy persona janë vënë në pranga nga policia e Vlorës, pasi akuzohen se ditën e djeshme, te shesh-pushimi në Llogara, kanë vjedhur nga një makinë, një shumë parash në lekë dhe në euro.

Policia ka pastruar nga shezlongët privatë tw vendosura pa leje hapësirën publike për pushuesit në zonën e Porto Romanos në Durrës.

Ditën e sotme është mbajtur masa për shtetasin Indrit Uka, pranë Gjykatës së Shkallës së Parë të Rrethit Gjyqësor Durrës, ku u caktua masa e sigurimit personal “arrest shtëpi”. Gjykatës i çështjes ishte Olti Skrame, ndërsa Prokuror Medina Meta. Indrit Uka u akuzua për “shkelje të rregullave të qarkullimit” pasi për shkak të shpejtësisë aksidentoi për vdekje shtetasen Erisa Aliaj mbrëmjen e së martës.

Një e mitur me iniciale J.M., nxënëse e klasës së tetë në shkollën 9-vjeçare “Koli Dimo” në Frashër, është gjetur pasditen e sotme në Tiranë disa orë pasi prindërit e saj kërkuan ndihmë për ta gjetur pasi që 22 qershorit ishte zhdukur pa lënë gjurmë. 

Mbi 362 bimë kanabis u gjetën dhe u asgjësuan nga forcat e policisë Krujë, në fshatrat Brret dhe Kroi i Madh, ndërsa kultivuesit e tyre nuk dihen ende.

Gjergj Mhilli dhe Florjan Kola, daja dhe nipi i tij janë vënë në pranga këtë të shtunë nga policia e Shkodrës për kultivim kanabisi. Policia sekuestroi dy armë zjarri dhe 1300 bimë narkotike.

Julian Locaj, ka rënë në pranga nga policia e Gjirokastrës pasi transportonte 11 emigrantë të paligjshëm.

Rreth 1664 fidanë kanabis të kultivuar në kubikë janë gjetur dhe asgjësuar në fshatin Xhuxhë të Mirditës. Në pranga ka rënë Indrit Cara dhe Bashkim Hasani të cilët policia i akuzon si kultivues të kanabisit në “Bjeshkët e Xhuxhës”.

Nga

Sokol Dema

Rreth 30 mijë euro u grabitën një pikë e këmbimit valutor në zonën e Astirit në Tiranë. Autori kërcënoi me armë punonjwset dhe në më pak se 100 sekonda u largua me biçikletë. Policia e Tiranës vendosi 5 mijë euro shpërblim për këdo që jep informacion të vlefshëm për identifikimin e autorit

Nga

Kristaq Thano

Report Tv sjell historinë e 82 vjeçares Antigoni Thanasi, e cila mes varfërisë ekstreme kujdeset e vetme për të birin me probleme të shëndetit mendor. E vetmja e ardhur për të mbajtur frymën gjallë është kempi i 42 vjecarit. E moshuara apelon për ndihmë

Një punëtor ka rënë nga një lartësi në qytetin e Bulqizës teksa ishte duke punuar. Mësohet se punëtori ka qenë pjesë e një kompanie që po zbaton një projekt të veshjes me sistem kapot të disa pallateve në qytetin e Bulqizës.

Një flotë detare policore me 35 Jet Sky dhe 105 uniforma blu, do të monitorojnë situatën në plazhe dhe gjithë hapësirën ujore këtë sezon turistik. Policia e Shtetit njoftoi sot për masa e marra, mes tyre edhe një plan kundër narkotikëve të importuara kohët e fundit në vendin tonë.

Kontrollet e ushtruara në kampin e MEK kanë nxitur diskutimet nëse qeveria shqiptare duhet ta prishë apo jo marrëveshjen me SHBA për strehimin e muxhahedinëve. 

Dy efektivë të Policisë së Shtetit janë nisur drejtë Italisë me shërbim të veçantë për patrullim në rrugët e Perugias dhe Spoletos. Ata do të kryejnë patrullim në mbështetje të autoriteteve policore italiane, për të forcuar ndihmën ndaj turistëve deri më 16 korrik, në lidhje me ngjarjet kryesore të verës.

Policia ka ripërsëritur thirrjen për të pasur kujdes për qytetarët të cilëve u kanë mbërritur në postën elektronike mesazhe me emër të drejtuesve të policisë që shoqëroheshin me mandat gjykate.

U vetëdorëzua në policinë e Korçës djali 24 vjeçar që plagosi me sende të forta babanë e tij. Burime për Report Tv thonë se sherri në familje nisi për ndarjen e parave që familja fiton nga disa biznese që zotëron.

Harta e re gjyqësore ka filluar të japë rezultate pozitive dhe Këshilli i Lartë Gjyqësor shprehet optimist. Ndërkohë sfidë mbetet faza e tretë që ka të bëjë aplikimin e saj në gjykatat administrative.

Një objekt dykatësh pa leje e ndërtuar në plazhin e Tales ka sjellë arrestimin e 55-vjeçarit, Nik Gjonikaj.