Kronikë

Mediat spanjolle kanë raportuar vrasjen makabër të një 29-vjeçari shqiptar në Barcelonë, shkak i së cilës është bërë sherri për 5 euro, por që i ka marrë jetën të riut. Mësohet se viktima është identifikuar si Artjol Ramaj, i denoncuar nga familjarët në ‘Pa Gjurmë’ si i humbur që prej datës 2 mars të këtij viti.

Pas ngjarjes tragjike një vit më parë, ku një skaf goditi për vdekje 7-vjeçaren Jonada Avdia, qeveria pati premtuar kontrolle të rrepta për të gjithë drejtuesit e mjeteve të ujit në të gjithë vijën bregdetare. Me nisjen e sezonit turistik, policia kufitare ka vijuar me kontrollet dhe ka bllokuar 8 skafe dhe jet ski në Ksamil të Sarandës, në Durrës dhe në bregdetin e Shëngjinit në Lezhë.

Briken Rusta, 23-vjeçari i shpallur në kërkim në Elbasan, pasi kishte tentuar të vriste një të dënuar për drogë, ka rënë në prangat e policisë. Arratia e Rustës ka zgjatuar vetëm 4 ditë, ndërsa mësohet se ka rënë në prangat e uniformave blu.

Një 37-vjeçar është ndaluar nga Forcat e Posaçme ‘Shqiponja’ pasi qarkullonte me automjet i armatosur dhe me lëndë narkotike. Nën hetim është vënë edhe pasagjerja që ishte në mjet me të.

Një 58 vjeçar në Skrapar është arrestuar nga policia pasi akuzohet se ka marrë peng për 2 orë një 36 vjeçar.

Një 39 vjeçar është arrestuar nga policia në fshatin Dukaj të Tepelenës pasi iu gjet një kasetë metalike me 540 fishekë luftarëkë.

Kompania e vogël në emër të bashkëshortes së Gentian Sharrës - një 48-vjeçar i arrestuar për krim të organizuar ka fituar prej vitit 2016 tenderat e ushqimit në spitalet e Elbasanit dhe vazhdon ta kryejë këtë shërbim, edhe pas sekuestrimit nga gjykata.

Ministria e Drejtësisë shumë shpejt do të nisë punën për hartimin e një Kodi të ri Civil, ndërkohë që grupi i punës për Kodin e ri Penal vijon. Lajmin e dha sot ministri i Drejtësisë, Ulsi Manja, i cili tha se ashtu si Kodi Penal edhe Kodi Civil është i vitit 1995, 3 vite para se të miratohet Kushtetuta ndërkohë që në këto 28 ka pasur ndryshime të mëdha politiko-shoqërore në vend.

Trafikantët po korrin fitime të konsiderueshme nga kalimi ilegal i klandestinëve përmes Shqipërisë. Pagesa për të mbërritur në Gjermani është 5 mijë euro, siç del nga hetimet për sulmin me armë ndaj policisë në kufi më 26 maj. Klandestinët e arrestuar kanë thënë se janë grabitur e kërcënuar me armë.  

Gjykata Kushtetuese ka rrëzuar pretendimet e Ilir Kupës për të shpallur anti kushtetuese vendimet e 3 shkallëve të gjyqësorit në Shqipëri pasi sipas tij i janë shkelur të drejtat e njeriut për një proces të drejtë gjyqësor, për shkak se nuk ‘është prezumuar i pafajshëm’ dhe nuk ‘është dëgjuar në një proces penal’

Skandali me mbetjet në brigjet e lumit Mat në afërsi të burgut të Shënkollit në Lezhë vijon. Mbeturinave ju është vënë flaka gjatë natës ndërsa autoritetet që zbarkuan dje në terren nuk kanë arritur të zbulojnë personat që hedhin në këtë vend përfshirë edhe ata spitalore.

Fredi Beleri, i cili ndodhet në burg që prej datës 12 maj pasi akuzohet se ishte duke blerë vota, 2 ditë para zgjedhjeve, ndodhet me prej 2 ditësh në spitalin e burgut sre ka shfaqur probleme me zemrën. Ndërkohë që ai vazhdon betejën për të fituar lirinë

Dy efektivë të forcave ‘Shqiponja’ në Tiranë kanë rënë në pranga pasi u kapën duke i  marrë një shoferi 100 euro. Bëhet fjalë për policët Andi Çelmetën dhe Hashim Xhixhën

Gjykata e Posaçme ka pranuar kërkesën e gjykimit të shkurtuar për 16 të pandehur për inceneratorin e Fierit, teksa gjatë seancës togat e zeza kanë vendosur rrëzimin e kërkesës së supervizorit të punimeve Arben Dervishaj dhe Regan Merdanit për shpalljen e moskompetencës nga kjo Gjykatë.

Një 35-vjeçar i identifikuar si E.G., është arrestuar nga policia në Cërrik pasi kishte vënë lokalin e tij në dispozicion të organizimi të kundërligjshëm të lojës me zara.