Kronikë

Gjykata Kushtetuese ka njoftuar sot se duke filluar nga muaji i ardhshëm do të nisë shqyrtimi i kërkesave, disa prej të cilave presin prej vitesh. E presin një sërë çështjes të 'nxehta' që pritet të sjellin edhe reagime politike. 

Ekstradohen nga Franca dhe Gjermania, 2 shqiptarë të shpallur në kërkim ndërkombëtar, Aranit Susaj dhe Altin Koci.

Gjatë 24 orëve të fundit janë gjobitur me 3000 lekë secili, 3,393 qytetarë që janë konstatuar duke lëvizur pa maskat mbrojtëse, si dhe një lokal që ushtronte aktivitetin në kundërshtim me masat anti-COVID

Moti i keq ka përfshirë detin e Adriatik dhe qytetin e Durrësit. Që prej pasdites së djeshme një stuhi detare ka shkaktuar probleme kryesisht në det.

Dy ditë më parë një punonjëse në një nga supermarketet e rrjetit "Big Market" u nda tragjikisht nga jeta gjatë orarit të punës. Big Alb Group shpreh dhimbjen e tërë shoqërisë për ndarjen e parakohshme nga jeta të një prej punonjësve më të mira të shoqërisë.

Në një atmosferë festive ministrja e Shëndetësisë, Ogerta Manastirliu, festoi së bashku me fëmijët e “Zyber Hallullit” në Tiranë. Manastirliu ka shprehur mirënjohjen për stafin e edukatorëve dhe kujdestareve të shtëpisë së fëmijës “Zybër Hallulli”, për sakrificën e bërë gjëtë këtyre muajve të pandemisë për t’u shërbyer fëmijëve.

Nga

Sokol Dema

Ditët e fundit të 2020-ës kanë sjell një trafik të rënduar në kryeqytet. Kryqëzimet kryesore në afërsi të qendrës Unaza e Vogël janë mbushur më radhë të gjata mjetesh pothuajse në çdo orë të ditës. Pavarësisht se Policia e Shtetit ka dalë me masa shtesë, situata sërish ka qenë problematike.

Nga

Arsen Rusta

Nga Gjykata e Lartë shqiptarët nuk kanë mundur të marrin drejtësi në dekadën e fundit. Shkak sipas zv. kryetarit të kësaj gjykate, Sokol Sadushi ka qenë drejtësia e vonuar, pasi aktualisht po shqyrtohen dosjet e vitit 2010-2011. Ai bëri bilancin e 8 muajve në krye të Gjykatës së Lartë. Sadushi tha se ka shqyrtuar së bashku me dy kolegët mbi 2 mijë çështje. 

20 vjeçari shqiptar Dijonis Biba ka marrë vëmendjen e mediave britanike pasi në kanalin e tij në Youtube dhe mediat e tij sociale jep ide sesi mund të futen ilegalisht në Britani.

Era e fortë në Korçë ka shkaktuar ndërprerjen e energjisë elektrike në disa zona të qytetit. Ndërprerje e energjisë është shkaktuar në fidrin 3 të nënstacionit të Ersekës, Lozhanit. Ky i fundit furnizon me energji elektrike disa fshatra të njësisë administrative Moglicë, si dhe në zonën e Lekasit Leshnicë.

Një 51-vjeçar është arrestuar pasi qarkullonte me armë zjarri me vete.

COVID- 19 i merr jetën arkitektit të njohur korçar Kliti Kallamata. Prej disa ditësh ai ishte prekur nga virusi, por nuk ka mundur dot të përballojë gjendjen e rënduar shëndetësore.

Një 31-vjeçare, Marsida Topalli e cila një natë më parë aksidentoi për vdekje një këmbësor u arrestua nga policia ditën e sotme. Ajo ishte shoqëruar në komisariat mbrëmjen djeshme. Ngjarja e rëndë ndodhi në vendin e quajtur Qerek, Krujë në orën 19:15 ku këmbësori është përplasur për vdekje nga një makinë e cila drejtohej nga 31-vjeçarja Marsida Topalli. 

Një 32-vjeçar u arrestua pasi kishte përfituar 15.5 mln lekë nëpërmjet mashtrimeve me llogaritë bankare gjatë periudhës së izolimit për shkak të pandemisë. Në kuadër të operacionit të koduar '"Platforma", pas një hetimi 6 mujor u bë e mundur ndalimi i Denis Trungut nga Durrësi.

Një sasi prej 320 kg kanabis e cila u kap nga Policia Greke në Korfuz ditën e djeshme mësohet të jetë nisur nga bregdeti i Sarandës. Dy shqiptarë u përpoqën ta fshehin sasinë narkotike në plazhin e Dassias ndërkohë që policia ka ndërhyrë menjëherë duke arrestuar njërin prej tyre, një 62-vjeçar.

Kryeministri Edi Rama shpërndau foton e disa të moshuarve të cilët i janë nënshtruar ndërhyrjeve kirurgjikale në sy. Ai shkruan se afërsisht 2000 të moshuar do të kenë një Vit të Ri të gëzuar falë programit të lenteve falas.