Kronikë

Presidenti Ilir Meta ka nderuar me Dekoratën e Flamurit Kombëtar, më të lartën në vend, At Gjergj Fishtën, me rastin e 80-vjetorit të ndarjes së tij nga jeta. 

Arrest me burg është vendosur nga gjykata për Denis Trungun, 32-vjeçarin i cili përfitoi 15 mln lekë të reja përmes një mashtrimi kompjuterik me pagat e luftës. Ai u arrestua ditën e djeshme pas një hetimi 6 mujor i cili përfitoi nga pandemia e COVID-19 për hapjen e llogarive bankare dhe përfitimin e “Pagës së luftës”.

Gjendja e tij shëndetësore paraqitet e brishtë aq sa i është dashur të shtrohet në spitalin "Shefqet Ndroqi" pasi ka pasur nevojë për oksigjen.

Në prag të festave të fundvitit duket se qytetarët janë sensibilizuar në respektimin e masave të vendosura të koronavirusit. Në 24 orët e fundit në vendin tonë u gjobitën 335 persona të cilët u konstatuan pa maska në rrugë. Ata u gjobitën me 3000 lekë, shifër e cila do të vendoset në faturën e energjisë elektrike. Gjithashtu policia ka gjobitur dhe 23 persona të tjerë të cilët janë kapur duke lëvizur pas orarit të vendosur 20:30.

Teksa na ndan vetëm një ditë nga nata e ndërrimit të viteve, tregjet duken të boshatisura. Nga vëzhgimi i Report Tv në Korçë e Berat rezulton se ka më pak blerës se vitet e tjera, pavarësisht çmimeve mjaft të ulëta. Teksa në Gjirokastër situata paraqitet ndryshe. Qytetarët thonë se po përballen me rritje të çmimeve, kryesisht të mishit. Berat, Korçë dhe Gjirokastër situata në tregje.

Nga

Elton Qyno

Gjykata urdhëron që Emiljano Shullazi, Plaurent Dervishaj, Indrit Taullai, Indrit Rusi, “i forti” i Vlorës Viktor Ymeri të vijojnë të qëndrojnë në burg.

Nga

Arsen Rusta

Dëshmitari i drejtësisë, Miklart Tola, i cili zbardhi vrasjen e Eglantina Buci, 8  vite më parë, nga vëllai i saj, Shkëlzen Buci dhe babi Faik Buci, u paraqit në gjykatë ku përpara togave të zeza ka thënë të gjitha deklarimet që ka bërë edhe përpara prokurorisë për vrasjen e Eglantina Bucit.

Në prag të festave të fundvitit, Ministrja e Shëndetësisë Ogerta Manastirliu u shpreh se janë vendosur ekipe shëndetësore shtesë për përballimin e urgjencave mjekësore. Duke folur nga Spitali i Traumës, Manastirliu u shpreh se ato do të jenë në gatishmëri në çdo moment. Ajo tha se do të jenë 100 ekipe shëndetësore në sistemin e Urgjencës Kombëtare të cilat do jenë të shpërndara në terren.

Ambasada e Shqipërisë në Greqi, përmes një postimi në Facebook ka lajmëruar se do të mbyllen zyrat e aplikimit dhe shpërndarjes së kartave të identitetit dhe pasaportave biometrike duke nisur nga dita e nesërme, 31 Dhjetor për tu rihapur më 5 Janar 2021.

Shqipëria i gjendet pranë Kroacisë në këto ditë të vështira pas tërmetit të djeshëm në Petrinja. Kryeministri Rama kja njoftuar sot se ka firmosur  vendimin për t'i për t'i dhuruar 250 mijë euro për të ndihmuar rilindjen e qytetit të shkatërruar.  

Sipas QSUT-së, Allkja ka shkelur kodin etik të punonjësit, prandaj edhe nuk duhet të vijojë të jetë më mjek pranë këtij shërbimi shtetëror.

Nga

Arsen Rusta

Fluksi i lartë i qarkullimit të mjeteve për festat e fundvitit duket se ka kapur në befasi policinë rrugore e cila është përgjegjëse për menaxhimin e trafikut. Prej tre ditësh në tiranë të duhen deri në 30 minuta për të përshkruar 1 km rrugë, ndërsa hyrje-daljet nga kryeqyteti janë kthyer në sfidë me nervat dhe durimin e shoferëve.

Bora prej katër ditësh në parkun kombëtar të Valbonës ka shkaktuar probleme me furnizimin me energji. Nga stuhitë e forta të dëborës janë rrëzuar shtyllat dhe janë dëmtuar linjat në rrjetin e brendshëm. Pa energji kanë mbetur edhe disa fshatra të thellë në njësinë administrative të Lekbibaj.

Nga

Elton Qyno

“I forti” i Shkodrës, duket se ishte parapërgatitur për një përleshje me armë me djemtë që i ofenduan të birin. Autori i vrasjes së Ridvan Ramazanit është larguar në këmbë dhe jo me makinë. Mori armën me vete, asnjë shenjë për vendodhjen e tij.

Një landfill i ri do të ndërtohet në Kukës gjatë vitit 2021 që pritet t'i japë zgjidhje problemit të mbetjeve për tre bashkitë; Kukës, Has dhe Tropojë.