Kronikë

Partia Demokratike ka denoncuar ndërtimet dhe betonizimin në kryeqytet si shkaktare e ndotjes së ajrit e cila sjell dhe vdekjen e shumë personave. Duke iu referuar një raporti të publikuar nga agjencia e mjedisit në BE, zëdhënësja Ina Zhupa thotë se ndërtimet pa kufij duhen ndaluar dhe se 1 në 4 vdekje në Shqipëri vjen si pasojë e ajrit të ndotur

Në bazë të raportit të fundit të agjencisë së mjedisit në BE (EEA), një në tetë vdekje në Evropë ka si shkak ndotjen. Në raport theksohet se faktorë të tillë si ajri dhe ndotja akustike, cilësia e dobët e ujit dhe ekspozimi ndaj kimikateve, kanë kontribuar në13% të të gjitha vdekjeve.

Burime për Report Tv mësojnë se një granatë është gjetur në afërsi të murit të shtëpisë së një ish komandanti të FNSH-së mbrwmjen e sotme (21 shtator).

Mjeku shqiptar anestezist- reanimator në Francë, Teni Kamberi tha se nuk janë ende problematike dhe se klasat mund të mbyllen vetëm kur tre nxënës rezultojnë të infektuar. Kamberi tha se rastet e rënda janë në numër shumë të vogël dhe kjo nuk ka sjellë mbingarkesë në spitale. Shkak iu rritjeve të infektimeve shton Kamberi, mendohet të jetë ulja e vigjilencës nga ana e qytetarëve.

Mesditën e së dielës (20 shtator) është goditur një tjetër rast i trafikës së drogës Spanjë-Greqi, ndërkohë që në pranga kanë rënë dy persona, një prej tyre shqiptar. Operacioni u zhvillua në zonën e Maratonës në Athinë ku u sekuestruan 122 kg dhe 590 gramë marijuanë në dy furgone me drejtues një 63 vjeçar dhe një 29-vjeçar shqiptar.

Nga

Elton Qyno

Zbardhet dosja, 198 kg kokainë u kap në portin “Gioia Tauro”, ishte bërë gati për ta sjellë në Shqipëri. Kush është Jorin Llambro, djali i inxhinierit që zotëron kompaninë e projektimeve në Vlorë. Elvis Jaupaj, garantonte sigurinë e Kokainës, ja dërgesat që bënë nga Holanda në Itali.

Takimi i mjekut Pëllumb Pipero në Skrapar ku mori dhe çmimin "Qytetar Nderi" nga Bashkia ka pasur një reagim të fortë në rrjete sociale pasi ai u shfaq duke përqafuar qytetarë pa respektuar masat anticovid. Në një lidhje direkte me Report Tv, Pipero kërkoi ndjesë publike për atë ceremoni. Ai tha se është një shembull për tu evituar.

Inxhinierja Luljeta Bozo në një intervistë për Report Tv tha se shkelja e rëndë e procedurave të një ndërtimi të mirëfilltë solli tragjeditë e tërmetit të 26 nëntorit. Ajo bëri thirrje të fortë që të gjithë inxhinierët të mos shkelin mbi parimet bazë, ndërsa shtoi se tërmetet artificiale janë të mira pasi evidentojnë gabimet e bëra në ndërtim, ku vetë inxhinierët përmes tyre testojnë projektin që kanë ngritur.

Evis Kushi, ministrja e re e Arsimit, ka shkuar në shtëpinë e Denisës, për t’i dhuruar dy tabletë, çantë dhe mjete shkollore, në mënyrë që vajza të jetë si bashkëmoshatarët e saj.

Këtë të hënë (21 shtator) u shënuan 150 raste të reja nga 809 testime të kryera në 24 orët e fundit. Fatkeqësisht dy qytetarë të tjerë kanë humbur jetën duke e çuar numrin total të viktimave në 364. Situata në spitale vijon të jetë e njëjtë ku aktualisht 189 persona po marrin shërbim mjekësor. 16 pacientë janë në terapi intensive dhe 8 janë të intubuar. Sipas njoftimit të ministrisë, ditën e sotme janë shëruar dhe 55 persona të tjerë.

Një vit më parë, familja Stafa në Picallë përjetoi një nga ditët më të vështira, kur shtëpia e tyre u rrënua brenda pak sekondave pas lëkundjeve të forta të tërmetit të 21 shtatorit. Por, sot lotët e tyre ia lanë vendin gëzimit, kur djali më i vogël i familjes, Enri, hapi derën e shtëpisë së re, të rindërtuar me kushte shumë herë më të mira.

Një aksident është regjistruar këtë të hënë në lagjen nr. 4 në Korçë. Dy mjete, një tip "Benz" dhe një fuoristradë janë përplasur me njëra-tjetrën.

Ambasadori britanik në Shqipëri, Duncan Norman u takua ditën e sotme (21 shtator) me kreun e Byrosë Kombëtare të Hetimit, Aida Hajnaj në zyrën e saj.

Nga

Eliza Gjediku

Nuk do të jetë fatkeqësia natyrore që do të shembë ndërtesat e pasigurta nga lëkundjet sizmike, por një tërmet articial nga ekspertë e kontrollit teknik. Drejtori i Institutit të Ndërtimit Agron Hysenlliu zbulon për Report TV metodën e re që pritet të nisë në shkurt të vitit të ardhshëm. Një vit nga tërmeti i 21 shtatorit Hysenlliu shprehet se 3 ishin problematikat e konstatuar në ndërtime, ndërkohë thekson se akt-ekspertizat e bëra për tërmetin e 21 shtatorit u bënë të pavlefshme si pasojë e goditjes së nëntorit.

COVID-19 po përhapet në shkolla dhe universitete. Mësues dhe nxënës rezultojnë të prekur në Bulqizë, Berat dhe Kuçovë, por mësimi është pezulluar vetëm në klasa të caktuara.