Kronikë

Kur bëhen fiks 7 muaj që kur Sali Berisha dhe Jamarbër Malltezi u morën të pandehur nga Prokuroria e Posaçme vendimi për kalimin ose jo në gjyq ende nuk është marrë. Për aferën e ish kompleksit “Partizani” priten vetëm konkluzionet e SPAK, ndërsa seanca e kaluar u shty për shkak se Malltezit i mungoi avokati me pretendimin për arsye shëndetësore.

Nga

Keti Banushi

Një urdhër i prokurorëve Altin Dumani dhe Vladimir Mara, të cilët hetojnë organizatën kriminale të Suel Çelës, çoi në kontrollin e 4 banesave dhe një zyre në Elbasan. Kontrollet janë ushtruar ndaj 2 biznesmenëve dhe drejtorit të Ujësjellësit në qytet. Operacioni u shfrytëzua politikisht nga Belind Këlliçi që akuzoi policinë se nuk zbatoi urdhrat, por u përgënjeshtrua nga SPAK dhe vetë uniformat blu.

Ministri i Brendshëm Ervin Hoxha dhe Drejtori i Policisë Rrugore, Altin Qato ishin në një nga pikat e kontrollit në hyrjen lindore të Tiranës, për të inspektuar masat që janë ndërmarrë për menaxhimin e trafikut. Ministri Hoxha foli mbi rëndësinë e sigurisë rrugore, si një nga elementët kyç për qarkullimin e lirë të mjeteve, njerëzve dhe mallrave, në të gjitha akset

Nga

Elvis Hila

I marrë i pandehur dhe dërguar për gjykim në lidhje me vrasjen e biznesmenit Ardian Nikulaj në muajin prill të vitit 2023 në Shëngjin, portugezi Ruben Saraiva kërkoi sërish lirinë në Gjykatën e Lezhës.

Një 52 vjeçar ka rënë në prangat e policisë në Lezhë, pasi rezulton i dënuar me 16 vite burg në Itali

Një grup personash kanë protestuar këtë të enjte para SPAK duke kërkuar rihapjen e hetimit ndaj eurodeputetit grek Alfred Beleri, në lidhje me masakrën e Peshkëpisë, e cila u regjistrua më 10 prill 1994 pranë kufirit me Greqinë.

Gjykata e Posaçme ka urdhëruar lirimin e Idriz Manej, i përmendur nga i penduari i drejtësisë Artan Tafani mes emrave të grupit të Laert Haxhiut

Pokuroria e Vlorës ka përfunduar hetimet dhe ka dërguar për gjykim 17 persona, mes të cilëve edhe zyrtarë të Kadastrës, për legalizimin dhe ndërtimin e tre objekteve pa leje në Palasë. Ndaj tyre rëndojnë akuzat Falsifikim dokumentesh, shpërdorim detyre dhe ndërtim i paligjshëm.

Nga

Keti Banushi

Duke iu drejtuar gjykatës, Alibej u shpreh se në rast se do përsëritet e njëjta gjë atëherë ai do të duhet t'i drejtohet me kërkesë trupës gjyqësore që në seancë të jetë i pranishëm ose ai, ose gazetarët e kronikës.

Kledian Llaho, i pezulluar nga detyra me urdhër të SPAK, largohet nga detyra e kryetarit të Prokurorisë së Sarandës. Vendimi është marrë nga Këshilli i Lartë i Prokurorisë, i cili ka pranuar kërkesën e Inspektorit të Lartë të Drejtësisë për procedimin disiplinor. Ndërsa sa i përket pagës, KLP vendosi uljen me 20% për tre muaj.

Është identifikuar pronari që mbante një luan në banesë si mace shtëpiake. Luani mbahej në Fier dhe pronari Altin Ajdini është vënë në hetim në gjendje të lirë, ndërsa ka deklaruar se video që bëri xhiron në rrjet është filmuar shumë kohë më parë, pasi luani i ka ngordhur prej një muaji e gjysmë.

Një aksident rrugor është regjistruar sot në aksin rrugor Shkodër-Lezhë. Një 76-vjeçar ka mbetur i plagosur pasi është përplasur nga një makinë. Dyshohet se shoferi ka humbur kontrollin e mjetit.

Nga

Benet Beqiri

Kanë rinisur në orët e hershme të mëngjesit të kësaj të enjte kërkimet në bjeshkët e Domajve të Hasit për gjetjen e 27-vjeçarit, i zhdukur që prej 4 ditësh.

Një 34-vjeçar i cili mbante pistoletë pa leje në banesë është arrestuar nga policia e Vlorës. Arma e zjarrit do të dërgohet në Institutin e Policisë Shkencore për ekspertizë, me qëllim zbardhjen nëse është përdorur në ngjarje kriminale të ndodhura më parë

Policia ka shpallur në kërkim 32-vjeçarin i cili mbrëmjen e djeshme plagosi me armë zjarri një 29-vjeçar në Tiranë.

Do të mbahet sot në Gjykatën e Elbasanit seanca gjyqësore për Safet Gjicin, ish-kryebashkiakun e Kukësit. Gjici ka kërkuar lirimin me kusht për të vuajtur pjesën e mbetur të dënimit në shtëpi

Është arrestuar 66-vjeçari i cili një ditë më parë së bashku me djalin tentuan të vrisnin nënë e bir teksa po lëviznin me motor në Fier. Dyshohet se mes familjeve Mërnica dhe Cimili ka ndodhur një konflikt pronësie 6 muaj më parë. 

Kryetari i Partisë Demokratike, Sali Berisha, sulmoi sot vetingun dhe reformën në drejtësi, duke paralajmëruar zhbërjen dhe rikthimin e të gjithë gjyqtarëve dhe prokurorëve të shkarkuar apo larguar nëse vjen në pushtet. Shemsi Prençi, tha se Berisha ka shkarkuar 70 për qind të atyre që ndodheshin në sallë në takimin ku u bënë këto deklarata.