Kronikë

Për rreth dy orë e gjysmë moderatori Ardit Gjebrea është pyetur këtë të premte në Prokurorinë e Posaçme, si person në dijeni për një hetim të SPAK, fraksion i ndarë nga dosja e kryebashkiakut Veliaj.

Dymbëdhjetë protestues u gjobitën me nga 5 mijë lekë të reja nga policia për pengimin e qarkullimit të automjeteve gjatë tubimit të së enjtes para Kryeministrisë.

Një grup që shpërndante drogë pranë shkollave është goditur nga Policia e Fierit. Operacioni i bluve erdhi pa disa muajsh hetime dhe çoi në pranga 4 persona, ndërsa një tjetër është shpallur në kërkim.

15 familjet e prekura nga shpërthimi në pallatin në Elbasan do të përfitojnë bonus qiraje deri në gjetjen e një zgjidhjeje përfundimtare. Kryebashkiaku Gledian Llatja tha se po shqyrtohen dy alternativa për pallatin: shembja e pjesës së dëmtuar ose e gjithë ndërtesës dhe rindërtimi nga e para. Pallati vijon të jetë i izoluar dhe nën monitorim.

Në Raportin e Progresit për Shqipërinë për vitin 2026, të publikuar më 4 nëntor, Komisioni Europian evidenton përparimin e vendit në luftën kundër krimit të organizuar dhe në forcimin e mekanizmave për rikuperimin e pasurive kriminale, por thekson nevojën për përmirësimin e mëtejshëm të sistemit të administrimit të tyre.

Nga

Keti Banushi

10 vite burg kërkon Prokuroria e Posaçme për Leonard Dukën (njihet ndryshe si Princi Damian) dhe 6 vite për Drianto Bardhin. Çështja është fraksion i dosjes ‘Revanshi’ në të cilën u zbardhën mijëra komunikime në aplikacionin SkyECC.

SPAK dyshon se rrjeti ndërkombëtar i Ergys Agasit mund të ndihmonte arratisjen e Vlora Hysenit nëse lihej e lirë. Report Tv mëson se në komunikimet me dy izraelitë, Agasi fliste për afërsinë me ish-kryetaren e SHISH: “E kam shoqe të ngushtë shefen e shërbimit sekret”.

Embro Sulejmani, i cili punonte si kryekamerier në një lokal pranë rezidencës qeveritare, rezulton se e ka lëvizur Ergys Agasin me makinë gjatë kohës që ishte në arrati. Një burim i tha Report Tv se, pak ditë para arrestimit të Agasit, Sulejmani koordinonte me të vendndodhjen, orarin dhe mënyrën e lëvizjes në Durrës.

Report Tv ka siguruar të dhëna të reja nga hetimet e SPAK për Ergys Agasin, i ndihmuar gjatë arratisë nga ish-drejtoresha e SHISH, Vlora Hyseni, si edhe nga shefi i sektorit të laboratorit të Policisë Shkencore, Fatjon Kalluçi dhe kamerieri Embro Sulejmani.

Shpërthimi dje në një pallat pesë katësh në Elbasan pas rrjedhjes së gazit, la dy viktima dhe 10 të lënduar si pasojë e asfiksisë nga tymi. Azmer Duleviçi, inxhinier elektrik përmes një lidhje të drejtpërdrjetë në ‘Sot Live në Shqipëri’ tha se për shpërthimin mjafton veç një shkëndijë e vogël qoftë edhe ndezja e një drite.

Elektriçisti ka humbur jetën në Kala të Dodës teksa ishte duke punuar për ndërrimin e shtyllave elektrike.

Policia Alpine, një strukturë e specializuar për operacionet e kërkim-shpëtimit, bëri një seancë stërvitore në Shkodër, duke simuluar shpëtimin e një personi të bllokuar në zonë malore.

I moshuari Adem Mara, ndodhet aktualisht në spitalin e Tiranës, ku po merr trajtim mjekësor për shkak të plagëve të rënda të shkaktuara nga djegiet.

Kontrollet janë zhvilluar në të gjitha akset e kryeqytetit, përmes monitorimit intensiv dhe përdorimit të pajisjeve bashkëkohore, me qëllim evidentimin dhe ndëshkimin e shkeljeve që përbëjnë rrezik për sigurinë rrugore.