Kronikë

Nga

Isa Myzyraj

Bllokimi i pagave të magjistratëve ka sjellë reagimin e prokurorive të Elbasanit dhe Beratit, të cilat kërkojnë ekzekutimin e menjëhershëm të pagesave dhe identifikimin e personave përgjegjës. Dy institucionet deklarojnë se fondet ishin të disponueshme dhe urdhërpagesat të përpunuara, por bankat nuk i kanë kaluar ato në llogaritë e përfituesve.

Për Delegacionin e BE-së në Shqipëri, me rëndësi është që të gjendet një ekuilibër i drejtë mes masave të sigurisë të nevojshme në Gjykatën e Posaçme dhe aksesit në informacion e transparencës së proceseve gjyqësore, në përputhje me standardet dhe parimet evropiane.

Dy efektivë të Policisë Ushtarake rezulton se kanë qenë në “Regina Palm Resort” gjatë përplasjes mes Luan Muçës dhe Vasil Bedinajt. Ministri i Mbrojtjes Ermal Nufi thotë se ata ishin jashtë shërbimit dhe jo truproja të tij personale, ndërsa janë pezulluar deri në sqarimin e rolit të tyre në ngjarje.

Ministri i Brendshëm dhe drejtori i Policisë së Shtetit komentuan nga Kukësi ngjarjen në Vlorë, ku hetimet vijojnë në bashkëpunim me Prokurorinë.

Përplasja mes Luan Muçës, pronarit të kompanisë “Delta Group” dhe Vasil Bedinajt të rrjetit të hoteleve Regina sipas Kryeministrit Rama ka ndodhur për një konflikt pronësie. Në një reagim Rama njoftoi se sipërfaqen e tokës për të cilën dy biznesmenët u përplasen qeveria do ta shndërrojë në një ullishte publike.

Dy biznesmenët, Vasil Bedinaj dhe Luan Muça, janë përplasur edhe në dëshmitë kontradiktore që kanë dhënë për hetuesit. Pronari i ‘Regina Palm’ pretendon se i vunë gjobë 5 milionë euro dhe mohon të ketë njohje me biznesmenin e ‘Delta Group’. Luan Muça nga ana tjetër, pretendoi konflikt pronësie.

Një 53-vjeçar ka rënë në prangat e policisë së Himarës pasi qëlloi me armë zjarri pistoletë në ajër.

Sipas qytetarëve, 58-vjeçarja u thoshte se mund t’u zgjidhte çështjet pronësore, pasi kishte të njohur në ASHK. Policia ka sekuestruar një shumë parash, disa certifikata të falsifikuara dhe 2 celularë.

Dhoma Kombëtare e Avokatisë do të vendosë të martën hapat që do të ndërmarrë kundër rregullores së re të GJKKO-së. Avokatët kundërshtojnë ndalimin e celularëve në seanca dhe paralajmërojnë deri në bojkot të proceseve gjyqësore.

GJKKO vijon të injorojë të gjithë dhe të zbatojë rregulloren e re që cenon punën e gazetarëve dhe avokatëve. Dhoma Kombëtare e Avokatisë ka thirrur një mbledhje të jashtëzakonshme më 8 shtator për të vendosur hapat që do të ndërmarrë kundër saj. Ndërsa rrjeti SafeJournalists kërkon nisjen e menjëhershme të konsultimeve.