Kronikë

143 bimët e kanabisit e gjetura në fshatin Vilës, në Vau të Dejës, u asgjesuan me djegie

Mesazhe të reja midis Vlora Hysenit dhe Ergys Agasit po qarkullojnë në media ku sipas të cilave, ish-kreu i SHISH i ka thënë biznesmenit se “për të i fik të gjithë radarët.”

Avokatët paralajmëruan të nisin të hënën edhe bojkotin e masave të sigurisë në GJKKO, por kreu i kësaj gjykate Erjon Bani, kërcënoi me ndjekje penale, kreun e Dhomës, Maks Haxhia, “për detyrimin e avokatëve për të marrë pjesë në bojkot”. Konflikti ka nisur fill pas rregullores së re që censuron punën e gazetarëve dhe të avokatëve pa celularë në gjyq, ku së fundi është kërkuar edhe ndërhyrja e Kuvendit për t’i dhënë zgjidhje.

Është shoqëruar me tensione edhe protesta e ditës së sotme. Në bulevardin Gjergj Fishta, përgjatë Unazës, forca të shumta të policisë nuk lejuan një grup prej disa dhjetra protestuesish, t’i afroheshin Kuvendit. Mes palëve pati përplasje ndërsa efektivët ndërhynë për t’i zhvendosur nga rruga.

Në dëshminë e tij, 50-vjeçari ka deklaruar se ndodhej në të njëjtin lokal me Kreshnik Carën, por në tavolina të ndryshme. Sipas tij, gjithçka nisi pas një debati të çastit. Në momentin e konfliktit, Kreshnik Cara ndodhej në tavolinë me një mikun e tij.

36-vjeçarit Adi Zavalani në Tiranë i janë gjetur në shtëpi 1 pistoletë dhe 1 kallashnikov, fishekë, një shënjestër optike, 2 mjete prerëse dhe një peshore elektronike. Të arrestuarit tjetër, Fatos Lika, 28 vjeç, i janë gjetur një armë gjahu, 84 fishekë dhe 17 kapsolla elektrike.

Ish drejtoresha e SHISH, Vlora Hyseni, do të mbetet në arrest shtëpie, teksa hetimet për vijojnë si e dyshuar se i dha sekrete shtetërore Ergys Agasit dhe e ndihmoi në arrati. Hyseni nuk mbajti asnjë qëndrim në GJKKO. Më herët masat u konfirmuar edhe për shefin e Sektorit në Policinë Shkencore Kalluçi dhe kamerierin Sulejmani, të cilët u lanë në burg.

Një 49-vjeçar ka ndërruar jetë pasi u godit me thikë gjatë një konflikti brenda një lokali në rrugën “Marko Boçari” në Tiranë. Policia arrestoi autorin e dyshuar, 50-vjeçarin Toni Nake, i cili gjithashtu mbeti i lënduar gjatë përleshjes.

Ish-ministri Alibeaj theksoi se nuk besonte se impulset erotike e kishin shtyrë Vlora Hysenin që të furnizonte me informacione Ergys Agasin. Ndërsa gazetari Topuzi tha se besonte se SHISH nuk ishte vënë në dijeni nga SPAK për operacionin për arrestimin e Agasit.

Alok Mittra, pjesë e një grupi kriminal që trafikonin emigrantë në Shqipëri është arrestuar në Itali.46-vjeçari pritet të ekstradohet drejt vendit tonë.

Salvadore Aliu, ndaj të cilit është lëshuar një urdhërarrest nga SPAK, i konsideruar si kumbari i grupeve shqiptare të narkotrafikut, dyshohet të ketë pastruar në Shqipëri të paktën 30 milionë euro të siguruara nga aktivitetet kriminale.

Nëna e Bleona Matës u përball live në “Pa Gjurmë” me avokatin Alban Duraj, i cili deklaroi në media se e bija ishte gjetur dhe se ishte birësuar nga një çift grek. Bukurie Veizi mohoi pretendimet, ndërsa Duraj u përplas me gazetaren Odeta Dume për burimin e informacioneve dhe më pas u largua nga studioja.

AMP bën të ditur se oficeri i Policisë dyshohet se, në mënyrë të vazhdueshme, ka ushtruar dhunë fizike dhe psikologjike ndaj kallëzueses dhe vëllait të saj të mitur.

GJKKO ka urdhëruar SPAK të hetojë kallëzimin e banorëve të Rrjollit për resortin “Blu Borgo”. Ata pretendojnë se 146 hektarë tokë u janë marrë përmes dokumenteve të falsifikuara, ndërsa më herët SPAK ia kishte kaluar çështjen Prokurorisë së Shkodrës.