Kronikë

Nga

Elvis Hila

Vrasja e 65-vjeçarit Viktor Bardhi, një ditë më parë në fshatin Ndërfushaz të Mirditës, vijon të mbetet pa autor. Hetuesit kanë marrë në pyetje 10 persona, mes tyre anëtarë të fisit Reçi. Janë sekuestruar disa kamera, por ende s’ka asnjë gjurmë të autorëve. As armët e krimit s’janë gjetur.

Përplasja në Radhimë çoi në pranga 5 persona, mes tyre biznesmenin Luan Muça dhe dy pronarët e kompanisë “Swat Security”. Ish-deputeti Bujar Muça është shpallur në kërkim. Luan Muça u largua nga resorti me Audin që u gjet i djegur dhe më pas ndërroi makinë. U kap pasi “Range Rover”-i me të cilin udhëtonte u përplas gjatë tentativës për t’i shpëtuar Policisë.

Më 10 shtator, avokatët ndërkombëtarë të kryebashkiakut Erjon Veliaj, do të çojnë në Gjykatën e Strasburgut, çështjen e masës së sigurisë arrest në burg. Dosja e apelit për Strasburg kërkon firmën e kryetarit të Bashkisë së Tiranës ndaj, avokatët e huaj kërkuan një takim me Veliajn në paraburgim më 10 shtator.

Zjarri që nisi në lagjen “1 Maji” të Himarës u përhap deri pranë zonës së bregdetit, e mbushur me turistë. 300 forca të emergjencave civile dhe 150 efektivë të Forcave të Armatosura u angazhuan në terren, ndërsa dy të moshuar u shpëtuan nga një prej banesave që u përpi nga flakët. Situata ishte e vështirë edhe në Fier, 3 të asfiksuar. 

Njëra prej brazilianeve është një 46-vjeçare që shfrytëzonte një 21-vjeçare për këtë veprimtari që zhvillohej në një apartament të marrë me qira. Në këtë shtëpi, u sekuestruan edhe 6 celularë.

Dy të rinj nga Shkodra kanë rënë në prangat e policisë për kultivim të bimëve narkotike. Ata ishin në kërkim që prej janarit të këtij viti.

Nga

Keti Banushi

Pas një seance që zgjati mbi 5 orë Gjykata e Tiranës liroi pa asnjë masë sigurie 14 protestuesit që u arrestuan për protestën e 1 shtatorit para kryeministrisë. Gjyqtarja Oltjona Goxhibelli e cilësoi arrestimin e tyre të paligjshëm dhe urdhëroi lirimin e menjëhershëm të tyre.

Katër punonjësit e Burgut Fier janë vendosur nën masat e “Pezullimit të ushtrimit të një detyre a shërbimi publik”, “Ndalimit të daljes jashtë shtetit” dhe “Detyrimit për t’u paraqitur në policinë gjyqësore”.

Policia njoftoi se Luan Muça, bashkë me njerëzit që e rrethonin, nën kërcënimin e armës i vunë një 'gjobë' prej 5 milionë eurosh biznesmenit Bedinaj, si dhe e kërcënuan që të largohej nga Shqipëria brenda 48 orëve.