Politikë

Nga

Danjela Maloku

Sali Berisha nuk sheh asnjë përgjegjësi te vetja për humbjen e thellë të opozitës më 14 maj, megjithatë zërat brenda grupit të tij që po shohin nevojën për reflektim e deri në një lidership të ri, kanë nisur tashmë të shprehen publikisht. Më të qartë ishin para gazetarëve, pasi në mbledhjen me dyer të mbyllura që Berisha drejtoi për herë të parë pas humbjes, shmangu problemet e brendshme dhe foli vetëm për akuzat ndaj qeverisë.

Komisioni Qendror i Zgjedhjeve ka miratuar rezultatin e zgjedhjeve vendore të 14 majit për kryebashkiakë të rinj të zgjedhur dhe anëtarët e këshillave bashkiakë në 13 bashki të tjera.

Pas disfatës së thellë më 14 maj, deputeti i PD Lefter Gështenja thotë se rezultati ishte skandaloz dhe të gjithë duhet të qëndrojnë kokëulur para demokratëve e të punojnë për ringritjen. I ftuar në Report Tv, Gështenja tha se duhen disa mekanizma për të mundur Ramën, por fokusi duhet të jetë te lidershipi i ri.

KQZ do të kryejë një hetim në lidhje me problematikat teknike me identifikimin biometrik që u shfaqën me mbi 500 qendra votimi, më 14 maj

Komisioni i Ankesave dhe Sanksioneve në KQZ ka rrëzuar sot ankimin e Partisë Lëvizja e legalitetit e cila ka kërkoi rrëzimin e vendimit të KZAZ Dibër rezultatin për këshillin bashkiak në këtë bashki për shkak se një kuti votimi, ajo e qendrës së votimit me numër 1100, nuk është pasqyruar në rezultat.

Senatorët amerikanë, Chris Murphy dhe Gary Peters, të cilët po vizitojnë Shqipërinë në kuadër të një turi vizitash në të gjithë rajonin, janë pritur sot në Tiranë nga Presidenti i Republikës,  Bajram Begaj. Ata shoqëroheshin në këtë takim nga Ambasadorja e SHBA-së në Shqipëri, zonja Yuri Kim.

Bashkia e Tiranës vijon punën për asfaltimin e rrugëve nëpër lagje. Këtë herë, kryebashkiaku Erion Veliaj inspektoi punimet në Lagjen 12, në rrugët dhe rrugicat që lidhin zonën mes Freskut dhe Dajtit. Ai tha se për Bashkinë e Tiranës kryefjalë është vetëm puna, pavarësisht nëse është fushatë, festë apo fundjavë.

Disfatën e 14 majit, Sali Berisha e justifikon duke fajësuar Edi Ramën. Pas akuzave për vjedhje e manipulime, këtë herë u fokusua te mediat. Në mbledhjen e kryesisë së Rithemelimit, Sali Berisha tha se janë blerë nga kreu i qeverisë dhe i kërkonte llogari gazetarëve të cilët sipas tij nuk e mbështesin këtë qëndrim.

Sali Berisha ka mbledhur kryesinë e Rithemelimit në selinë blu. Belind Këlliçi, i cili humbi përballë Erion Veliajt në garën për bashkinë Tiranë tha se në fokus të diskutimit do të jenë zgjedhjet. Ai u shpreh se do të mundohen të kapërcejnë hatërmbetjet për t’u bashkuar ndërsa lidershipi nuk do të ndryshojë. Me këtë dha mesazhin e qartë se Sali Berisha nuk do të largohet.

Nga

Arbi Fortuzi

Pagat e deputetëve dhe ministrave do të dyfishohen pas miratimit të draftit që mori miratimin e Komisionit të Ekonomisë falë edhe votave të opozitës, ku vetëm Agron Shehaj u shpreh kundër. Megjithë vendimin e Komisionit të Ekonomisë, ministrja e Financave dha mendimin se rritja e pagës për politikanët duhet bërë në një fazë tjetër.

Shqipëria këmbëngul në Bruksel se arrestimi i Fredi Belerit nuk është çështje politike. Ministrja e jashtme Olta Xhaçka është përballur me homologun grek për këtë çështje në Këshillin e punëve të jashtme të BE, ku ka theksuar se “Beleri” ka të bëjë me pavarësinë e gjyqësorit dhe luftën kundër blerjes së votave

Deputeti i Rithemelimit, Flamur Noka është paraqitur ditën e sotme në Prokurorinë e Posaçme. Noka është thirrur në cilësinë e deklaruesit për kallëzimet që ka bërë në SPAK për zgjedhjet vendore të 14 majit.