Politikë

Deputetja demokrate, Flutura Açka ka reaguar pas rezultateve të zgjedhjeve, ku opozita ka pësuar humbje të thellë

Një shembull qytetari është përcjellë në Bashkinë e Vaun e Dejës. Zef Hila i koalicionit “Bashkë Fitojmë” ka pranuar humbjen dhe ka shtrënguar dorën me kundërshtarin, Kristjan Shkreli.

Kryekomsioneri Ilirjan Celibashi ka bërë me dije se ditën e sotme do të përfundojë procesi i numërimit për zgjedhjen e kandidatëve për kryetar bashkie. Deri tani tha Celibashi ka përfunduar procesi i numërimit për 34 bashki

Në një moment që numërimi i votave po shkon drejt fundit dhe PS duket se ka korrur një fitore të thellë, Sali Berisha thotë se zgjedhësit shqiptar janë terrorizuar. Për Berishën dhe Metën sot është një ditë e zezë për demokracinë shqiptare.

Shkodra ka refuzuar Sali Berishën dhe Ilir Metën, duke bërë që për herë të parë që nga komunizmi, kjo Bashki të drejtohet nga socialistët. Benet Beci ka bërë histori duke fituar në një bastion historikisht demorkrat dhe kjo fitore ka qenë me një diferencë të thellë me rreth 11 mijë vota më shumë.

Kandidati i koalicionit opozitar Berisha-Meta në bashkinë Kuçovë, Lefter Maliqi ka reaguar i revoltuar nga rezultati i numërimeve pasi është rreth 500 vota larg kandidatit të PS. Para mediave thotë se kishte manipulim të hapur.

Koalicioni “Bashkë Fitojmë” ka fituar deri më tani vetëm 5 Bashki. Kur tashmë është mesditë, Ilir Meta dhe Sali Berisha duket se janë “zhdukur”.

Në një kohë kur Benet Beci është drejt fitores me një diferencë të thellë prej gati 10 mijë votash, kryeministri Edi Rama ka një mesazh për shkodranët.

Procesi i numërimit është ndërprerë për rreth 30 minuta në Finiq pasi një numëruesi i ka rënë të fikët. Ai është rrëzuar nga platforma ku po kryhej procesi i numërimit dhe është dëmtuar.

Erion Veliaj ka arritur një fitore të thellë në Tiranë, madje dhe në Astir dhe tek “5 Maji”, ku opozita ka organizuar protesta të vazhdueshme.

Demotivimi për rezultatin e deritanishëm ka sjellë që opozita në KZAZ Pogradec të mos plotësojë numrin e nevojshëm të numëruesve.

Kandidati i Sali Berishës dhe Ilir Metës në Vorë, Indrit Hoxha nuk njeh rezultatin. Ai thotë se dyshimet për manipulime janë të mëdha. Ai ka bërë me dije se do të ankimojnë rezultatin.

Fredi Beleri, në burg për blerje votash, është shpallur fitues në bashkinë e Himarës me një rezultat shumë të ngushtë kundrejt kandidatit socialist Jorgo Goro. Fredi Beleri nga koalicioni i ‘Bashkë Fitojmë’ ka fituar me pak vota para, ndërsa kutia e fundit vendosi fatin e fituesit