Politikë

Ambasada e Shteteve të Bashkuara të Amerikës dhe ajo e Bashkimit Europian në Tiranë, kanë uruar Altin Dumanin për zgjedhjen e tij në krye të Prokurorisë së Posaçme (SPAK). Në reagimin e bërë pas konfirmimit të Dumanit në krye të institucionit, SHBA dhe BE theksojnë rëndësinë e SPAK në zbatimin e Reformës në Drejtësi dhe të tregojë se askush nuk është mbi ligjin.

Pasi Besart Xhaferri mori drejtimin e Forumit Rinor të PD-së ka organizuar strukturat e partisë. Ditën e sotme kanë zhvilluar zgjedhjet dhe sekretari i Përgjithshëm është zgjedhur Fatjon Bathorja, ndërsa katër nënkryetarët e rinj janë Armend Musaj, Arvit Bushati, Glauk Olldashi, Sara Bodo.

Komisioni Qendror i Zgjedhjeve nuk e ka ende të qartë se si do të realizohet vota e diasporës, por thirrja e Ilirjan Celibashit është që votimi të realizohet në zgjedhjet parlamentare 2025. Celibashi tha në Kuvend se duhet përcaktuar kriteri i kohës së qëndrimit të emigrantëve jashtë vendit, mënyra e votimit, si dhe vendi ku do të ushtrohet kjo e drejtë.

Deklaratat e Edi Ramës dhe Yuri Kim për zgjedhjen e kreut të ri të SPAK, Sali Berisha i cilëson si betejë të turpshme në një tragjikomedi të paimagjinueshme. Në konferencën e përjavshme me gazetarët, Berisha u shpreh se ambasadorja amerikane nuk njeh kufi pasi sipas tij mbron në minumim dështimin e reformës në drejtësi.