Politikë

Deputetja e Partisë së Lirisë, Brunilda Haxhiu, ngriti shqetësimin për uljen e numrit të nxënësve në shkollat e qarkut të Fierit, duke e cilësuar situatën si pasojë të shpopullimit. Ajo paraqiti edhe masat që, sipas saj, propozon Partia e Lirisë për të përballuar këtë fenomen.

Kryeministri Edi Rama fton magjistratët në një tryezë për hartimin e një ligji të ri për pagat, me pjesëmarrjen e ekspertëve europianë. Shoqatat e gjyqtarëve dhe prokurorëve paralajmërojnë se do ta çojnë ligjin e sapomiratuar në Kushtetuese, duke kërkuar pezullimin dhe shfuqizimin e tij si antikushtetues. 

Kreu i grupit parlamentar të PD-së vë në pikëpyetje ushtrimin e rolit kushtetues të Presidentit. Meta akuzon Ramën se diktoi miratimin e ligjit pa konsultim me magjistratët, ndërsa Blushi e pyet përse ftesa për dialog nuk u bë para 31 korrikut.

Sipas Gogut, në këtë proces po shqyrtohen çështje që lidhen me kriteret për paraburgimin, arsyetimin e individualizuar të masës, shqyrtimin real të masave më pak kufizuese, aksesin në materialet mbi të cilat mbështetet kërkesa për masë sigurimi dhe forcimin e alternativave.

Ervin Demo merr drejtimin e Ministrisë së Brendshme pas largimit të Besfort Lamallarit, i cili rikthehet në Kryeministri. Demo u betua para Presidentit. 

Protesta e qytetarëve solli një tjetër përplasje në Kuvend mes kryeministrit Edi Rama dhe deputetes së PD-së, Jorida Tabaku. Ajo i kërkoi Ramës të dëgjojë protestuesit që, sipas saj, prej 110 ditësh kërkojnë dorëheqjen e tij. 

Kuvendi miratoi me 84 vota pro formulën e re për pagat e magjistratëve, por përplasja me institucionet e drejtësisë mbetet e hapur. Rama paralajmëroi një ligj të ri për ribalancimin e pagave, ndërsa opozita kundërshtoi draftin, duke thënë se nuk zbaton vendimin e  Kushtetueses. Në momentin e votimit mungonte Berisha, Bujar Leskaj abstenoi.

Kryeministri Rama edhe një herë ka deklaruar se Francesco Beccheti nuk ka marrë asnjë lekë nga shteti shqiptar pasi beteja ligjore vijon. Rama thotë se paralelisht me kundërshtimin në organet më të larta të vendimit për dëmshpërblim 110 milionë euro, vijon edhe hetim penal ndaj biznesmenit italian dhe 1 ose 2 gjyqtarëve të arbitrazhit që vendosën pro tij.