Politikë

Ambasada e SHBA-së, i ka përçuar sot nje mesazh shumë të fortë Sali Berishës, i shpallur Non Grata. Ato theksojnë se nëse numri i personave të futur në listën e zezë është më shumë se 200, numri i personave që i është hequr është "o". Pra Berisha, ka zero shanse që t'i hiqet kjo masë. 

Në samitin që do të mbahet në Tiranë pritet të nënshkruhet një Memorandum Mirëkuptimi për  lejet e punës. Kjo marrëveshje do të nënkuptonte që një leje pune e lëshuar në cilindo nga këto tre vende është e vlefshme për të gjithë anëtarët e nismës, Serbi, Maqedoninë e Veriut dhe Shqipëri.

 “Mua më ndodh për herë të parë pas 4 vitesh në këtë eksperiencë që të më vijë një kamikaz”, këto ishin fjalët e gazetarit Denis Dyrnjaja ndaj këshilltari ligjor i Partisë Demokratike Marash Logu, në emisionin “Top Talk” mbrëmjen e djeshme i cili u mbyll papritur.

Marrëveshja për ripranimin e emigrantëve të paligjshëm është miratuar me 82 vota pra ndërsa vetëm 2 deputetë kanë abstenuar. Ndërkohë marrëveshja për ekstradimin e personave të dënuar në Britaninë e Madhe është kaluar me 95 vota pro dhe asnjë kundër.

Sali Berisha nuk është përgjegjës për 21 janarin, ai ka qenë në zyrë dhe urdhri është dhënë nga ministri i Brendshëm i asaj kohe, Lulzim Basha. Kjo deklaratë është bërë nga ish-ministri i Mbrojtjes Arben Nimani në një intervistë për mediat.

Ish-deputeti Nard Ndoka, i ftuar në emisionin 'Repolitix' të gazetarit Denis Minga në Report Tv, deklaroi se ka informacione se dy deputetë që janë sot në Kuvendin e Shqipërisë në listën e qarkut Shkodër kanë paguar te Basha një shumë të konsiderueshme parash që u futën në minutat e fundit duke shmangur Ndokën.

Në Kuvendin e 11 dhjetorit, Sali Berisha vlerësoi "Kryetar Nderi", Azem Hajdarin, por e bija e tij, Rudina nuk e ka cilësuar si të vlefshme, madje thekson se figura e tij nuk duhet të ishte futur  aspak në këtë betejë të brendshme të PD-së.

Drejtuesja e Kadastrës së Durrësit, Rajmonda Dashi ka dhënë dorëheqjen nga drejtimi i këtij institucioni. Ene nuk dihet arsyeja e dorëheqjes, por burime për Report Tv bëjnë me dije se ka qenë vetë drejtori i Përgjithshëm i Kadastrave, Artan Lame i cili i ka kërkuar Dashit të dorëzojë dorëheqjen.

Në mbledhjen e sotme të Këshillit të Ministrave është miratuar lirimi nga detyra i Drejtorit të Cirkut Kombëtar, Ilirjan Gjini.

Kryeministri Edi Rama i ka mbledhur në një darkë miqësore të gjithë ambasadorët e akredituar në vendin tonë në Elbasan.

Në 18 dhjetor, një pjesë e demokratëve do të jenë në Pallatin e Kongreseve, e ndërsa nga ana tjetër në 72 degët e partisë do të jenë hapur qendra votimi, ku do të vendoset "fati" i Lulzim Bashës, nëpërmjet referendumit të Sali Berishës.