Politikë

Ambasadori gjerman dhe ambasadorja franceze, deklaruan sot nga qyteti i Korçës se po punojnë për të bërë të mundur realizimin e konferencës së parë ndërqeveritare Shqipëri-BE brenda presidencës sllovene. Lidhur me pyetjen se cili do ishte qëndrimi i tyre nëse ish-kryeministri Sali Berisha do merrte drejtimin e Partisë Demokratike, asnjë nuk zgjodhi t'i përgjigjej, por thanë se fokusi ishte integrimi i vendit në BE.

Basha tha se PD nuk do të merret me hallet personale të Berishës që luajti bllofin dhe nuk i mblodhi dot firmat që nevojiten për Kuvendin Kombëtar. Sakaq, kryedemokrati Basha tha se e kanë betejën me Edi Ramën, ndërsa në Parlament ndodhen për të rrëzuar këtë regjim dhe për t’i kthyer qytetarëve shqiptarë votën e vjedhur dhe shpresën e vrarë.

Në Komisionin e Ligjeve në Kuvend, teksa po diskutohet buxheti i Këshillit të Lartë të Prokurorisë, çështja e përfundimit të mandatit të KPK-së në qershor 2022 dhe kalimi në duart e KLP dhe KLGJ ka shkaktuar debate të ashpra.

Në Komisionin e Ligjeve është paraqitur sot Këshilli i Lartë i Prokurorisë për të diskutuar mbi buxhetin e këtij institucioni për vitin 2022. Gjatë diskutimit, deputeti i PD-së, Dashnor Sula, teksa u interesua për hartën e re gjyqësore tha se qarku në të cilin ai është zgjedhur është i kufizuar nga Italia pasi ka dalje ne det.

Presidenti i Republikës, Ilir Meta, ka firmosur ditën e sotme dekretin për 3 ligje të miratuar nga Kuvendi në seancat e kaluara. Disa ndryshime në marrëveshjen me Pfizer për vaksinat, ratifikimi i Konventës së KiE për Bashkëprodhimin Kinematografik si dhe marrëveshja për shmangien e takimit të dyfishtë me Izraelin ishte 3 ligjet që tashmë pritet të botohen në fletoren zyrtare. 

Azgan Haklaj thotë se në 2017 ka pasur një skenar për vrasjen e Lulzim Bashës dhe Berisha ishte në dijeni për këtë. Nga ana tjetër sipas Klosit, Sali Berisha, mund të bëhet faktor pengues për Rajonin dhe për Ballkanit Perëndimor.

Sali Berisha nuk ka arritur që të mbledh dot firmat e 1/4 se delegatëve të Partisë Demokratike. Në këtë përfundim del ish-deputeti i PD-së dhe ish kryetari i PD-së për Tropojën Azgan Haklaj, i cili tha në emisionin Repolitix në Report Tv, se ai mund të ketë mbledhur vetëm firma anëtarësh, por jo të deleguarve. Haklaj tha se mbledhja e firmave nga ana e Berishës nuk është legale, pasi nëse do të ishte legale do të dilnin kryetarët e degëve në rrethe dhe t'i raportonin. Më tej Haklaj tha se kuvendi se shkarkon dot Bashën, pasi është votuar me votën 1 anëtare një votë

Sali Berisha prezantoi sot edhe drejtoreshën e re të komunikimit, Floriana Garo, e cila më herët ka qenë zëdhënësja e Lulzim Bashës gjatë fushatës elektorale të 25 prillit. Mirëpo, vetëm pak javë më parë, vjehrra e moderatores së njohur, Lumturi Ratkoceri ka sulmuar ashpër ish-kryeministrin, që e cilëson si shkatërruesin e bazave të shtetit dhe falënderon SHBA-së, që e shpalli ‘Non Grata’.

Duke artikuluar për herë të parë ambicien për rikthim si kryeministër, ish-lideri demokrat Sali Berisha tha se dorëzoi në Këshillin kombëtar të PD, 4200 firma për të thirrur Kuvendin Demokrat. Sekretari i Përgjithshëm Gazmend Bardhi la të kuptohet se nuk do ta mbledhë Kuvendin, duke e akuzuar Berishën për shkelje të rënda të statutit. Sipas tij, ish-lideri demokrat luajti blofin, pasi nuk ka mbledhur as 1800 firma, që është minimumi që kërkohet.