Politikë

Publikohet një tjetër foto e Berishës krah Sorosit. Ish-kryeministri  prej kohësh ka nisur një fushatë sulmesh kundër George Soros, duke e bërë si përgjegjësin kryesor të vendimit të Departamentit Amerikan të Shtetit për përfshirjen e tij dhe të familjes biologjike në listën e zezë për korrupsion të rëndësishëm, përdorimin e pushtetit për t’u pasuruar dhe pengim të drejtësisë. Berisha e akuzon Sorosin si armik të shqiptarëve dhe se ka kapur reformën ën drejtësi në Shqipëri.

Ish-zëvendës kryeministri Erion Braçe ka ngritur zërin sot për situatën në të cilën punojnë qytetarë në shumë sektorë në vend, duke kërkuar rroga më të larta për ta dhe kushte më të mira pune. Me një postim në Facebook, Braçe thotë se punëtorët po largohen për shkak se nuk vlerësohen siç duhet, teksa thotë se pandemia nxori në pah edhe më shumë padrejtësi, pabarazi e informalitet në treg.

Sekretari i përgjithshëm i PS Damian Gjiknuri prezantoi në Shkodër drejtuesen politike të PS për këtë qark Edona Bilali në një mbledhje të zhvilluar me deputetët e PS, kryetarët e bashkive të PS dhe struktura të tjera të kësaj force politike në qarkun Shkodër.

Asnjë deputetët nuk do lejohet në seancë nëse nuk është vaksinuar. Kështu tha kreu i grupit të PS, Taulant Balla. Ndërsa deputetët demokratë kundërshtojnë vendimin që mbledhjen e komisioneve të zhvillohen online. Sipas tyre kjo është shkelje e kushtetutës dhe e rregullores së Kuvendit.

Analisti Frrok Çupi tha se dënimi pikërisht i Adriatik Llallës është shumë domethënëse për shkak të postit të lartë që mbante, ku në vend të bënte drejtësi ishte kthyer në një ndërlidhës të krimit e korrupsionit me njerëzit në pushtet.Çupi tha se reforma në drejtësi tregoi se Shqipëria ndodhej në një humnerë të thellë padrejtësie, por sot me pastrimin e drejtësisë, njerëzve po u kthehet besimi.

Nga

Danjela Maloku

Berisha dhe Basha janë vendosur përballë njeri-tjetrin jo vetëm me deklarata, por ndërsa njeri ka nisur turin në bazë, kryetari aktual i PD mbledh në selinë qendrore krerët e degëve. Por sipas burimeve të Report Tv, Basha nuk u ka kërkuar shefave lokalë distancim nga ish lideri i tyre historik

Ish-deputeti Andi Përmeti i ka uruar punime të mbara Kuvendit Kombëtar të PD-së! Një urim i tillë, në një kohë kur kryedemokrati Lulzim Basha ka deklaruar se nuk do të lejojë mbajtjen e saj, është shumë ironike, kjo pasi Përmeti është i sigurt që i nuk do e mbajë fjalën.

Afrim Qëndro ka dhënë sot zyrtarisht dorëheqjen nga posti i  zv/kryetarit të Bashkisë në Vlorë. Ai u largua mesditën e sotme nga zyra, teksa u shpreh se ka dhënë dorëheqje të parevokueshme.

“Murat Toptani” është tjetër shkollë e re, e rindërtuar pas shkatërrimit të tërmetit të 26 nëntorit, e cila hap dyert për nxënësit këtë vit arsimor.

Lulzim Basha ia ka bërë të qartë Sali Berishës dhe të gjithë kundërshtarëve të tij që Kuvend të Partisë Demokratike për të shqyrtuar vendimin për përjashtimin e Berishës nuk do të ketë. Sipas tij Kuvendi i PD nuk mund të shyrtojë vendimet e amerikanëve.