Politikë

Anëtari i grupimit 'Për PD-në', Edvin Kulluri i ka drejtuar sot dy pyetje Lulzim Bashës. Në Facebook, Kulluri kërkon nga Basha një përgjigje se pse Sali Berisha ndërroi mendje për të qenë aktiv në politikë. Po ashtu ai e pyet atë edhe për deklaratën e djeshme të Metës, i cili iu drejtua opozitës që dogjën mandatet duke thënë 'faqja e zezë e atyre'.

Sot Partia Demokratike është në heshtje zgjedhore, ndërsa ditën e nesërme 75 mijë anëtarë demokratë do të hedhin votën e tyre për të zgjedhur mes Lulzim Basha, Agron Shehaj, Edit Harxhi dhe Fatbardh Kadilli se kush do e drejtojë partinë.

Kreu i PS-së, Edi Rama ka uruar sot të gjithë socialistët në përvjetorin 30-të të kësaj force politik. Me një postim në Facebook, Rama zotohet se do të vazhdojnë përpjekjet që Partia Socialiste 'të bëhet më e mirë për të gjithë'

Gramoz Ruçi tërhiqet përfundimisht nga politika pas 30 viteve në PS, teksa socialistëve i bashkohet vajza e të ndjerit Bashkim Fino, Megi. Me një fjalë të gjatë Rama falënderoi të gjithë ata që kanë dhënë kontribut në 30 vite, me një falënderim të veçantë për Fatos Nanon dhe Gramoz Ruçin. Ministra të qeverisë si Ahmetaj, Çuçi, Balluku, Ekonomi, Gjonaj, Kushi, Manastirliu pasqyruan prioritet kryesore të mandatit të tretë qeverisës.

Drejtoresha e Qendrës së Shërbimeve Arsimore, Rezana Vrapi tha në një intervistë për Report Tv se provimi i matematikës është një ndër më të rëndësishmit dhe më të vështirët, por ai është hartuar në mënyrë të tillë që të mund të zgjidhet nga çdo maturant. Vrapi tha se niveli i vështirësisë është i ndarë sipas arritjeve dhe rezultateve të çdo nxënësi

I ftuar në studion e Report TV ishte deputeti Ervin Bushati i cili foli për Kongresin që do të mbajë nesër Partia Socialiste. Bushati tha se Kongresi vjen në një ditë të rëndësishme për partinë, në 30 vjetorin e formimit të saj.

Deklaratën e Sali Berishës se ai mund të rikthehet në krye të PD, për Kreshnik Spahiun është një provë e qartë se ai ka frikë nga dosjet dhe akuzat  që ka SHBA dhe me të cilat mund të përballet shumë shpejt. 

Shqipëria sot u zgjodh anëtare e përkohshme e Këshillit të Sigurimit në OKB. Në lidhje me këtë ngjarje të rëndësishme historike, ka reaguar edhe kreu i qeverisë, Edi Rama,  cili e cilëson këtë si një lajm të bukur. Edhe ambasadorja e SHBA-së, Yuri Kim dhe ambasadori i BE-së, Luigi Soreca e kanë cilësuar një ditë historik për popullin shqiptar dhe vendin.