Politikë

Një përfaqësi e delegacionit të diasporës shqiptare në Amerikë ka zhvilluar një vizitë ën Tiranë, ku është takuar me ambasadoren e SHBA-së, Yuri Kim dhe kreun e PD-së, Lulzim Bashën.

Seanca e fundit plenare e kësaj legjislature në Kuvend, mbylli zyrtarisht edhe karrierën politike të Gramoz Ruçit. Ai drejtoi për herë të fundit seancën në Kuvend, ndërsa më pas ka organizuar një kokteil lamtumire në ambientet e Kryesisë së Kuvendit, për t'u përshëndetur me deputetët dhe stafin e tij.

Ambasadori i BE, Luigi Soreca dhe ambasadorët e vendeve të tjera të Bashkimit Evropian kanë zhvilluar sot një takim me kreun e PD-së, Lulzim Bashën, ku u diskutua në lidhje me legjislaturën e re parlamentare.

Kryeministri Edi Rama ka shkarkuar nga detyra kryebashkiakun e Lushnjes, Fatos Tushe. Me vendim të Këshillit të Ministrave, thuhet se Tushe ka kryer shkelje të rënda me postin e tij të kryetarit të Bashkisë Lushnje dhe për këtë ai shkarkohet nga detyra, vendim që hyn menjëherë në fuqi. Fatos Tushe u arrestua një ditë më parë nga SPAK për shpërdorim detyre në lidhje me një tender abuziv me vlerë 24 mln lekë për rehabilitimin e kanalit ujitës.

Ministrja e Shëndetësisë dhe Mbrojtjes Sociale, Ogerta Manastirliu e ka nisur fjalën e saj në seancën e fundit të Kuvendit të Shqipërisë për këtë sezon, me një falenderim për vaksinatoret dhe të gjithë ekipin e shëndetësisë, që i’a kanë dalë të kryejnë mbi 1 milion vaksinime deri tani

Fatbardh Kadilli tha se PD-ja nën drejtimin e Sali Berishës ka qenë keq, por situata është përkeqësuar edhe më shumë me ardhjen e Lulzim Bashës, që sipas tij, e ka mbyllur partinë. Ajo që e bën më të rëndë situatën në selinë blu, për Kadillin, është se demokratët e identifikojnë partinë, logon e saj, me Sali Berishën dhe më pas me Lulzim Bashën. E pikërisht nisur nga kjo, Kadilli tha se ka marrë spunto për të bërë propozimet e tij për ndryshimet në statut, që t'i japin fund partisë që lidhet ngushtësisht me kryetarin.

Në fjalën e tij të fundit në këtë legjislaturë të Kuvendit të Shqipërisë, kreu i Grupit Parlamentar të Partisë Socialiste, Taulant Balla, falënderoi të gjithë deputetët e opozitës për kontributin që kanë dhënë me votimin e ligjeve të reformës në drejtësi. Ai premtoi se 25 prilli do të jetë procesi i fundit zgjedhor që emigrantët nuk votojnë dot.

Mbi 80 deputetë që janë ulur sot në seancën e fundit plenare të kësaj legjislature të Kuvendit do të mungojnë në shtator kur të fillojë legjislatura e re. Disa prej tyre në prononcimet për mediat para fillimit të seancës shprehen se do ta vijojnë kontributin në politikë.

Komisioni i Ankesave dhe Sanksioneve ka rrëzuar ditën e sotme kërkesën e Partisë Demokratike, për të shkarkuar nga detyra kryebashkiakun e Mallakastrës, Qerim Ismailaj.

Ditën e sotme u zhvillua seanca e fundit plenare në këtë legjislaturë, ku deputetët e opozitës dhe një pjesë e konsiderueshme e atyre të mazhorancës, folën sot për herë të fundit nga foltorja e Kuvendit.