Politikë

Fiks Fare transmetoi mbrëmjen e së mërkurës skemën e shit-blerjes së votës në zgjedhjet e 25 prillit. Fenomeni i shitblerjes së votës nuk mungoi as në këto zgjedhje dhe këtë e faktoi me figurë dhe audio emisioni investigativ Fiks Fare. Në ambientet e jashtme të një qendre votimi në Njësinë nr 2 Tiranë, të prezantuar si përfaqësues të LSi-së jepnin 100 mijë lekë të vjetra në këmbim të një karte identiteti

Zgjedhjet parlamentare të 2021 solli në garë edhe parti të reja, që kishin të gjithë një qëllim, rrëzimin e PD-PS-LSI, që e cilësonin si të keqen e këtij vendi. Mirëpo teksa u trumbetuan me të madhe si figura politike, shpesh herë edhe “të zhurmshëm”, asnjë prej kryetarëve të partive të reja nuk arriti që të merrte një karrige në parlamentin e ri.

Lulzim Basha nuk ka thënë se as do t’i njohë dhe as se nuk do t’i njohë zgjedhjet. Deklarata e tij, ndonëse fliste për muzg, errësirë, diell, dritë, beteja e të tjera nuk ishte për zgjedhjet. Kishte si objekt formal zgjedhjet, por ishte në funksion të karriges së tij në parti. Lulzim Basha kërkon të marrë kohë brenda partisë për të kuptuar se nga po i vjen e keqja, duke përdorur refrenin dhe retorikën që e çoi në këtë gjendje atë dhe opozitën në Shqipëri, kur të dielën fliste për përmbysje dhe ndryshim, të hënën për rezultat në kuti dhe të martën për zgjedhje të manipuluara, blerje, shitje, etj.

Kryetari i KQZ-së Ilirjan Celibashi, ka deklaruar se cenimi i votës së çdo kandidati do të ketë për pasojë, sanksion penal, me dënim shtatë vjet burgim. Gjithashtu, Komisioneri Shtetëror i zgjedhjeve sjell në vëmendje se KQZ disponon pamje filmike të vlerësimit të çdo vote, të bërë në fazën e nxjerrjes së rezultatit për partitë dhe koalicionet.

Pasi të gjithë liderët e vendeve fqinje kanë uruar kryeministrin Edi Rama për marrjen e mandatit të tretë dhe historik në zgjedhjet e 25 prillit, më në fund ka thyer heshtjen edhe kryeministri i Kosovës Albin Kurti

Zgjedhjet e 25 prillit, përveç se ishin një betejë mes partive se kush do të merrte drejtimin e qeverisë për 4 vitet e ardhshme, ishte edhe një garë e fortë për të parë se sa i “vlen lëkura” një kandidati për deputet.

Tritan Shehu, pasi ka marrë mandatin e vetëm për opozitën në Qarkun e Gjirokastrës, ka sulmuar LSI-në dhe aleatët për humbjen e mandatit të dytë.

COVID-i i mori jetën ish-deputetit socialist Bashkim Fino, por pavarësisht kësaj mbështetësit e tij nuk e kanë braktisur pas vdekjes. Mësohet se ai ka grumbulluar në këtë qark plot 109 vota.

Ministria e jashtme italiane vlerëson se zgjedhjet në vendin tonë kishin organizim të shkëlqyer. Përmes një njoftimi ministria e jashtme me në krye ministrin Luigi Di Maio, thotë se KQZ ka treguar profesionalizëm dhe transparencë në organizimin e zgjedhjeve.

Për ish-kreun e PD-së, në Kukës, Ibsen Elezi, përgjegjës për humbjen në 25 prill është edhe Sali Berisha, po aq sa Lulzim Basha. Kjo sepse sipas tij, Berisha me heshtjen e tij ka stimuluar humbësin, e për pasojë kjo do të sillte humbje të njëpasnjëshme, siç edhe ka ndodhur. I ftuar në “Studio Live” në Report Tv, Elezi tha se Berisha nuk duhet të heshtë!

Nga

Adriatik Doci

Shkarkimi i Metës duhet të kërkohet nga më shumë se 35 deputetë, vendimi kalon nga Komisioni i Ligjeve, Komisioni Hetimor dhe nga Kuvendi. Meta asnjë shans për shpërndarjen e Parlamentit

SHBA ka njohur rezultatin e 25 prillit, duke i cilësuar këto zgjedhje si legjitime. Populli shqiptar foli qartë, thuhet në reagim, për këtë arsye vënë theksin që palët të njohin rezultatin dhe të nisin bashkëpunimin për të mirën e shqiptarëve. Një vlerësim vjen për fushatën e opozitës, të cilën e kanë cilësuar si “të fortë”, e ndërsa theksojnë se presin vazhdimin e bashkëpunimit me kryeministrin e Shqipërisë, Edi Rama.  

Nga

Edi Rama

Kjo është fitorja më e vështirë, më e madhe dhe me bukur e Partisë Socialiste që me gjithë numrin marramendës të fletëve të pavlefshme, të atyre që kanë zgjedhur 12-n, por kanë gabuar me shenjën e preferencës, ne e kemi thyer rekordin tonë. Ky është rekordi historik i kësaj skuadre të madhe njerëzish të zakonshëm me fuqinë e jashtëzakonshme të ambicies për Shqipërinë dhe të një shpirti gare që nuk ka të dytë në këtë vend

Nga

Adriatik Doci

Në Bashkinë e Tropojës PD-ja ka thelluar rezultatin duke u rritur me 5.5 % në raport me zgjedhjet e 2017, LSI-ja ka marrë vetëm 12 vota, PS-ja po kthen në bastion të saj Burrelin, thelloi rritjen në Elbasan, Skrapar, Kolonjë, Delvinë dhe Rrogozhinë