Politikë

Konferenca e Kryetarëve u shoqërua me debate. Gazment Bardhi akuzoi mazhorancën se po e trajton kuvendin si pronë private. Debate me Spiropalin e Ballën, i akuzon për lidhje me bandat kriminale.

Në Gjermani, ku pritet të marrë pjesë në ceremoninë e dhënies së çmimit ‘Karli i Madh’, Kryeministri Rama u takua me ish-eurodeputetin e djathtë Elmar Brok, i cili në Tiranë bëri fushatë për Berishën. ‘Doja të të vrisja, por u ngjite më lart’, mësohet t’i ketë thënë ai Ramës.

Prej muajit tetor të vitit të kaluar, Salianji mbahet i izoluar në burgun e Fierit.

KAS zhvilloi mbledhjen për shqyrtimin e ankimimeve të PD-ADSHM për rezultatin e zgjedhjeve të 11 majit në 3 qarqe, pas certifikimit nga ana e KQZ. Pas Kukësit, që është ende në proces, radha e Beratit, Gjirokastrës dhe Vlorës. KAS dëgjon ankimin. Mbledhja shtyhet për të martën e 3 qershorit për Beratin e Gjirokastrën, dhe të hënën për Vlorën. Përfaqësuesja e PS: Shkrimet në portale dhe rrjete sociale nuk janë prova shkencore!

Nga

Danjela Maloku

Muajt e mbetur të kësaj legjislature do të jenë të fundit për 82 deputetë të parlamentit aktual. Ata nuk do të jenë më në shtator, pasi rezultati i dobët në zgjedhje, ose mos-rikandidimi i la jashtë legjislaturës së re.

Seanca e parë plenare pas zgjedhjeve, u përdor nga PD për të “shpalosur” akuzat se PS vodhi zgjedhjet. Berisha e Bardhi sulmuan kolegët socialistë, ndërsa kërkesa e tyre për 1 orë debat nuk u pranua nga PS. Spiropali iu kujtoi humbjen e thellë, ndërsa theksoi se në asnjë rast nuk do t’i lejojë që të prishin seancat plenare.

Këshilli i Ministrave miratoi sot vendimin për përcaktimin e rregullave, të kritereve, të motivit dhe të procedurave për dhënien e medaljeve dhe certifikatave në Policinë e Shtetit si dhe shpërblimin përkatës.

Vendimi është marrë në mbështetje të kuadrit ligjor për sportin, menaxhimin e sistemit buxhetor dhe buxhetin e shtetit për vitin 2025, me propozim të ministrit të Arsimit dhe Sportit.

Në mbledhjen e sotme Këshilli i Ministrave vendosi disa ndryshime në përbërjen e grupit negociator të Shqipërisë për aderimin në Bashkimin Europian.

Deputeti i PS, Petro Koçi tha se PD mori një humbje të thellë në këto zgjedhje, ndërsa theksoi se Berisha doli më i humbur se Basha. Por, për deputetin e PD Kreshnik Çollaku mazhoranca përsëriti 28 majin e 1996 në 11 maj. Ai tha se ka marr mesazhe nga emigrantë, ku në Boston janë blerë vota për PS. 

Qeveria ka autorizuar Korporatën e Investimeve Shqiptare që do të bëjë të mundur realizimin e projekteve të parashikuara.

Në mbledhjen e sotme Këshilli i Ministrave miratoi kushtet e negocimit mes shoqërisë shtetërore KAYO dhe një subjekti privat për prodhimin dhe tregtimin e uniformave ushtarake.

Qeveria ka miratuar vendimin e ri për organizimin e shërbimit të policimit vullnetar. Përcaktohen kriteret dhe se kush mund të aplikojë. Polici vullnetar duhet të jëtë 18–65 vjeç, të ketë arsim të mesëm dhe certifikohet nga Akademia e Sigurisë. Përjashtohen gjyqtarët, prokurorët dhe punonjësit e institucioneve të sigurisë.

Shkarkohet kryetari i Qendrës Kombëtare të Kinematografisë, Eol Çashku. Vendimi u mor në mbledhjen e sotme të Këshillit të Ministrave.

Bashkimi Europian kërkon nga klasa politike shqiptare të përfshijë në reformën e re zgjedhore të gjitha rekomandimet e OSBE/ODIHR, ndërsa pret që palët t’i qëndrojnë angazhimit të tyre për ta përmbyllur këtë proces deri në vitin 2026.