Politikë

Rindizet debati për Reformën Zgjedhore. Kryeministri Edi Rama iu përgjigj sot opozitës duke ia bërë shumë të qartë se nuk do të pranohet kushti për qeveri transitore dhe që Kolegjet Zgjedhore të përbëheshin nga gjyqtarë që nuk e kanë kaluar vettingun. Ilir Metës dhe opozitës, Rama u ripërsëriti se nuk do të bëjë asnjë hapa pas për teatrin. Garancia e parë sovrane, tha ai, po ecën shumë mirë dhe brenda qershorit mund të shtohet fondi. Ligjin për legalizimin e kanabisit mjekësor qeveria ka objektiv ta kalojë brenda kësaj vere. Për sezonin turistik ende nuk duhet kur do të hapet. Rama: S'ka vend për të riparë reformën në drejtësi, tani është koha për ta zbatuar.

Një 60- vjeçari i është vënë tritol në shtëpi nga fqinji i tij, fatmirësisht vetëm dëme materiale.

Presidenti Ilir Meta ka zhvilluar një takim me përfaqësues të operatorëve turistik, një nga sektorët më të prekur nga koronavirusi, ku theksin e vuri te mbështetja maksimale që duhet të tregojë qeveria ndaj tyre. Në takim, ku janë respektuar rregullat e distancimit, Meta ka kërkuar protokolle të veçanta për zonat e ndryshme turistike, që është edhe një nga kërkesat kryesore të tyre. Fokusi për Metën, duhet të jenë familjet që mbahen gjatë gjithë vitit nga sezoni turistik.

Palët ranë dakord në mbledhjen e djeshme që takimi i radhës i përfaqësueseve politikë dhe grupit të ekspertëve të zhvillohet nesër.

Dita ndërkombëtare e infermierëve, për kryeinfermieren e spitalit Infektiv në QSUT, Merita Zefa duket të shërbejë si reflektim për kushte më të mira pune dhe rritje pagash. Nga seminaret e vitit të kaluar, sot kjo ditë për Meritën dhe shumë kolege të tjera është brenda spitalit infektiv, aty ku kalojnë pjesën më të madhe të ditës në shërbim të pacientëve të prekur me koronavirus mes sakrificave të shumta!