Politikë

Gjatë vizitës në Tokyo Edi Rama është pritur në takim dhe nga krytari i Dhomës së Përfaqësuesve, Eisuke Mori, si dhe mori pjesë në panelin e diskutimit me titull “Rruga e Shqipërisë drejt Anëtarësimit në BE: Roli i Japonisë”.

Pasi ka përjashtuar të gjithë rivalët e Sali Berishës nga gara, në një proces ku ai është kandidat i vetëm në fletën e votimit dhe me kontestime të forta, Partia Demokratike po zhvillon sot atë që e quan ‘referendum’ për zgjedhjen e kryetarit. Anëtarësia 51 737, nga të cilët rreth 28 mijë kanë votuar deri në orën 15:00. 

Ministri i Mbrojtjes, Ermal Nufi ka njoftuar se Këshilli Evropian ka miratuar paketën e tretë për asistencën për Shqipërinë, me vlerë 21 milionë euro.

Ish-kryetarja e LSI-së, Monika Kryemadhi, përmes një video në rrjetet sociale ka akuzuar ish-aleatin e saj, Lulzim Basha, se ai qëndron pas sulmeve denigruese ndaj saj dhe familjes së saj në disa portale.

Aktivistja demokrate Evi Kokalari ka publikuar dokumentat shoqëruese të padisë së saj në SPAK kundër Sali Berishës, familjes së tij dhe disa besnikëve të tij në PD. Kokalari thekson se familja Berisha, me ndihmën e disa funksionarëve të tjerë të PD-së kanë marrë peng partinë dhe janë përfshirë në afera korruptive, duke i shkaktuar vendit dëm të madh ekonomik.

Për demokratin Luçiano Boçi, Reforma Territoriale e vitit 2014 ishte një dështim. Ai theksoi se Reforma e re Territoriale që është në diskutim, duhet të miratohet me konsensus mes palëve. Nga ana tjetër, Arbjan Mazniku theksoi se Shqipëria ndodhet në një moment historik të procesit të integrimit, ku pushteti vendor dhe 'Territorialja' po marrin një rol kyç në përgatitjen e vendit për anëtarësimin në BE.

Në emisionin 'Studio Live', ish-kreu i degës së PD në Librazhd, Bujar Vreto dhe avokati Novruz Haderi kritikuan mungeswn e garësw ku Sali Berisha kandidon i vetëm, duke e cilësuar procesin pa alternativë reale dhe larg një gare normale politike.

Këshilli i Bashkimit Evropian ka konfirmuar mbajtjen e Konferencës së tetë Ndërqeveritare me Shqipërinë më 26 maj në Bruksel. Nirvana Deliu, eksperte për çështjet e integrimit tha në ‘Studio Live’ se vendi ynë po kalon drejt një faze të rëndësishme të integrimit drejt BE-së.

Teksa bëri thirrje për adresimin e rekomandimeve të OSBE-ODIHR për implementimin e Reformës Zgjedhore, ambasadori Tarran tha se procesi duhet të jetë transparent dhe gjithëpërfshirës.

Të martën në Bruksel mbahet konferenca e 8-të ndërqeveritare me Bashkimin Evropian, ku pritet të konfirmohet përmbushja e standardeve të ndërmjetme nga Shqipëria si dhe për të vendosur piketat përmbyllëse për grupkapitullin e parë. Shqipëria do të përfaqësohet nga kryeministri Rama. 

Për kryeministrin Edi Rama, Shqipëria është sot më pranë se kurrë me Bashkimin Europian. Nga Tokyo, kryeqyteti i Japonisë, Rama tha se Shqipëria ka hyrë në një fazë vendimtare në rrugën e integrimit në BE dhe pretendon që të arrijë mbylljen e negociatave brenda 1 viti e gjysmë.

Anëtarët e Partisë Demokratike votojnë nesër për kryetarin e ri të partisë. I vetmi në garë është Sali Berisha, që sipas tij, është i vetmi nga të gjithë aspirantët e tjerë që përmbushte kushtet e nevojshme.