Politikë

Parlamenti ka ngritur dy grupe pune për ndryshimet në Kodin Zgjedhor dhe ligjin për presidentin. Sipas vendimit të komisionit të ligjeve, ndryshimet në kodin zgjedhor duhet të jenë gati deri në 30 shtator, ndërsa grupi i punës për ligjin organik për presidentin ka afat deri ne 15 tetor.

Në ditën e parë të shkollës në këtë kohë pandemie nuk munguan urimet nga politikanë dhe drejtues të lartë të shtetit. Ashtu si edhe në ditë të zakonshme  akuza të ndërsjelltaa u ngritën për çështjen e arsimit

Kryetarja e Lëvizjes Socialiste për Integrim, Monika Kryemadhi ka qenë e para e cila ka uruar prindërit, fëmijët dhe mësuesit për nisjen e vitit të ri shkollor. Në urimin e saj, Kryemadhi bën premtimin se me ardhjen e opozitës në pushtet do të përmirësohet, duke hedhur akuza në drejtim të qeverisë se ka lënë në harrsë mësuesit e të gjithë hallkat e zhinxhirit arsimor.

Kryeministri grek Kyriakos Mitsotakis tha se do të diskutojë me kryeministrin Rama gjatë takimit në Athinë edhe për çështjen e detit. Pas forumit ekonomik, ku Rama merr pjesë në cilësinë e kreut të OSBE-së, në takimet e veçanta homologu i tij grek do i kërkojë të flasin dhe për detin dhe Zonën Ekskluzive Ekonomike mes dy vendeve.

Ish deputetja e PD-së, Dhurata Çupi ka akuzuar qeverinë se e ka mbytur vendin në varfëri, aq sa vogëlushët në Dibër gjatë gjithë verës kanë shitur misra e çajra të ndryshëm për të fituar pak para që të blinin libra dhe veshje për nisjen e shkollës.

Albana Vokshi thotë se shkolla “Jeronim de Rada” nuk duhet të hapet deri në testimin e të gjithë mësuesve, sepse do të rrezikohet  jeta e të gjithëve.

Sipas Endrit Brahimllarit, banorët e Kllocës në Libonik të Maliqit po përballen me arrogancën, paaftësinë dhe papërgjegjshmërinë e bashkisë Maliq, nën mungesën e infrastrukturës, kanalizimeve, ujit të pijshëm apo mungesën e investimeve në bujqësi.

Model frymëzues i mjekut të palodhur dhe humanistit e quan presidenti Ilir Meta kirurgun Dr.Agron Menzelxhiu, i cili humbi betejën me COVID-in.

Ditën e sotme kryeministri Edi Rama ka publikuar dokumentet që provojnë ndihmën që ka dhënë qeveria shqiptare për Alesio Cakonin dhe nënën e tij, i cili nga tërmeti i Nëntorit 2019 humbi babin dhe motrën, por që ditët e fundit u soll në vëmendje nga opozita si rasti i një familjeje të harruar nga qeveria.

Ish-deputeti i PD-së Klevis Balliu ka publikuar listën e punonjësve të Policisë së Shtetit që sipas tij janë ish-sigurimsa, të cilët kanë mbaruar Shkollën e Sigurimit, ku mësohej zbulimi, hetimi, përndjekja dhe tortura, ndaj kundërshtarëve të regjimit diktatorial komunist

Kreu i FRPD, Belind Këlliçi ishte në shtëpinë e Ali Ukës nga Mamurrasi, i cili prej 9 muajsh fle në çadër së bashku me familjen e tij, pasi shtëpia iu shemb nga tërmeti i 26 nëntorit.

Ashtu siç kishte premtuar, me ardhjen e muajit shtator, presidenti Ilir Meta i është rikthyer sulmeve ndaj qeverisë. Paketa Anti- Shpifje është vendosur kësaj here në vëmendjen e kreut të shtetit, i cili e cilëson si një përpjekje flagrante të qeverisë për të kapur mediat, duke i bërë thirrje që të tërhiqet nga ai që quan " modeli i neveritshëm Lukashenko" (diktatori në Bjellorusi).