Politikë

Edhe pse e quajti fitore të protestave vendimin e Metes per te anuluar zgjedhjet, shefi i opozitës tha se nuk do të ketë asnjë hap pas, pasi ajo që duhet të pasojë, është zgjidhja politike e krizës. Në këtë kontekst, Basha i bëri thirrje socialistëve që të ulen në dialog për krijimin e qeverisë tranzitore dhe zgjedhjeve të lira, por pa Ramën kryeministër.

Pak orë para protestës një mesazh i fortë vjen nga Uashingtoni për dy liderët e opozitës Lulzim Basha dhe Monika Kryemadhi. Zëvendës Ndihmës Sekretari Shtetit Matthew Palmer deklaron se nëse ka dhunë në protestë përgjegjësitë janë të tyre. Sipas Palmer, Basha e Kryemadhi jo vetëm duhet të ndalin dhunën, por dhe të bashkëpunojnë me institucionet që të identifikojnë personat e dhunshëm. Ai paralajmëroi edhe njëherë se kush prek zgjedhjet nuk shkel në SHBA.

Nënkryetari i Partisë Demokratike, Edi Paloka shprehet se kryeministri Edi Rama ka dërguar kryeprokuroren Arta Marku dhe drejtuesen e Krimeve të Rënda, Donika Prela të varrosin dosjen 339, por falë gazetës gjermane ‘Bild’ plani i tyre u hodh në erë.

Presidenti i Shqipërisë, Ilir Meta, zhvillon një vizitë në Berlin. Në intervistë për DW ai thekson, që "Shqipëria dhe forcat kryesore politike të reflektojnë urgjentisht për të mos e humbur momentin historik“.

Një ditë para protestës se nesërme Partia Demokratike ka nisur thirrjet për pjesëmarrje. Përveç thirrjeve zyrtare, ajo shpërndan përmes mesazheve personale ftesën për t'u bërë pjesë e tubimit të tetë kombëtar.

Përgjimet e publikuara nga gazeta gjermane 'Bild', Vangjush Dako i ka cilësuar si avantazh politik, që nuk ka ndikuar aspak në reputacionin e tij, përkundrazi! Në studion e "Repolitix" në Report Tv, kreu aktual i Bashkisë së Durrësit, Dako, i cili ka qenë kryefjalë e mediave javën e fundit për shkak të përgjimeve, ka mohuar që të ketë qenë duke folur me Astrit Avdylajn, kreun e  bandës së Shijakut. Një sajesë, e ka cilësuar Dako, pas së cilës fshihet opozita, që synon që nëpërmjet tyre të legjitimojnë djegien e mandateve.