Sipas të dhënave nga Banka e Shqipërisë, zëri i “të ardhurave neto të jashtëzakonshme” të bankave, që, në pjesën dërrmuese, përbëhet nga të ardhurat nga ekzekutimi i kolateralit, për vitin 2012 kishte vlerën 1.35 miliardë lekë. Krahasuar me vitin 2011, të ardhurat nga ky zë kanë njohur një rritje me rreth 38%.
Për vitin 2012 sistemi bankar vijoi ta përmirësojë rezultatin financiar dhe një ndër faktorët ishin edhe të ardhurat nga ekzekutimi i kolateraleve. Kjo shifër reflekton rritjen e kolateralit të çuar për ekzekutim të detyrueshëm, ndërsa ende nuk tregon ndonjë përmirësim të ritmeve të ekzekutimit real.
Vlera e të ardhurave nga ekzekutimi i kolateralit për vitin 2012 përbënte vetëm 3.2% të vlerës së kredive të klasifikuara si “të humbura” në fund të vitit. Ky raport është pothuajse i njëjtë me vitin 2011 dhe tregon që rikthimi i të ardhurave nga ekzekutimi i kredive nuk ka pasur ndonjë rritje domethënëse vit pas viti.
Zvarritjet në procesin e ekzekutimit të kolateralit kanë qenë shqetësimi kryesor i industrisë bankare dhe tema qendrore e lobimit të Shoqatës së Bankave në dy vitet e fundit.
Ndërkohë, kriza ekonomike ka prekur kërkesën për pasuri të paluajtshme dhe vlerën e tyre në treg. Sipas Bankës së Shqipërisë, indeksi i çmimimeve të banesave në Tiranë për vitin 2012 ra me rreth 12% me bazë vjetore.
Nga ana tjetër, vështirësi për bankat përbën fakti se, edhe kur procesi ligjor i ekzekutimit përmbushet, për to është e vështirë të gjejnë blerës të kolateralit. Kjo ka rritur numrin e pasurive të paluajtshme që bankat janë detyruar t’i marrin në pronësi dhe të kërkojnë vetë blerës për to.
Shkrimi u botua sot në gazetën Shqiptarja.com (print) 16.02.2013
Redaksia Online
(b.m/shqiptarja.com)
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
