Mozaiku i Tiranës i përbërë nga motivet gjeometrike, tipike të krishterimit të hershëm, që ngjasojnë me rozetat e peshqve është i vetmi monument arkeologjik në Tiranë, zbuluar në vitin 1972 gjatë ndërtimit të bllokut të pallateve “Partizani”. Ndonëse numëron mbi 12 mijë vizitorë në vit, gjatë tre mujorit të parë të 2020-s, para se gjithçka të pezullohej për shkak të pandemisë COVID 19, numri i turistëve vendas edhe të huaj ka qenë 2000. Arkeologu Luan Nezha na rrëfen se çfarë mund të gjejnë vizitorët këtë sezon në Mozaikun e Tiranës.
“Mozaiku i Tiranës është i vizituar nga turistët vendas dhe të huaj gjatë gjithë vitit. I vetmi rast që u pezullua ka qenë për shkak të pandemisë. Por besoj se me çeljen e sezonit turistik numri i vizitorëve do të arrihet edhe do të shkojë çdo gjë siç ka qenë. Nga janari në mars të 2020-s numri i vizitoreve të huaj edhe vendas shkon rreth 2000, duke përjashtuar shkollat”, rrëfen Luan Nezha.
Arkeologu Luan Nezha gjatë intervistës në Report TV
Pas ndërhyrjeve në çatinë e Mozaikut, prioritet është restaurimi i mozaikut.
“Në Mozaikun e Tiranës kemi bërë disa ndryshime, ku mes tyre edhe çatia. Sitet arkeologjike në Shqipëri dhe në botë kanë nevojë përherë për mirëmbajtje, edhe për Mozaikun e Tiranës është një plan, për t’u bërë një fazë restaurimi. Plani i restaurimit parashikon ndërhyrjen në disa tesera, pasi për shkak të çatisë kemi pas probleme, por që do ta restaurojnë specialistët”, thotë Nezha.
Tashmë, në varësi të drejtorisë së monumenteve të Kulturës në Tiranë nuk është vetëm mozaikun, por edhe monumente të tjera.
“Ne tani që jemi drejtori përfshimë tre qarqe të Durrësit, të Tiranës dhe të Dibrës. Është kalaja e Tiranës, Ura e tabakëve, Varri i Kapllan Pashës etj, kalatë në rrethinat e Tiranës, Shpella e Pllumbasit etj., për t’u vizituar përfundon arkeologu.
Mozaiku i Tiranës
Në Mozaikun e Tiranës, monument kulture, që sipas studiuesve ka qenë banesë rurale e ndërtuar në shekullin e I-r pas Krishtit, gërmimet e fundit arkeologjike janë bërë në vitin 2008.
Mozaiku i Tiranës
Komente
Lajme të tjera
-
Rama ndan fotot nga projekti për Mozaikun e Tiranës: Do kthehet në destinacionin më të vizituar
4 Mars 2023, 13:36 -
Zbulim arkeologjik paleokristian te Mozaiku i Tiranës
18 Prill 2021, 17:02
-
Rehabilitimi i zonës përreth Mozaikut, arkeologu: Punime diletante, projekti duhej miratuar nga Këshilli i Trashëgimisë
23 Mars 2021, 15:46
-
Restaurohet Mozaiku i Tiranës (VIDEO)
13 Tetor 2020, 17:14
Mozaiku..i Paleo Viles_Romake,eshte EpiQendrave Fillimit te Tiranes Urbane,dhe di i Tille" duhet te kete vemendje te vecante..Lali Eri duhet te kujdese per kete Top sit arqeologjik te Tiranes Urbane..Sa gjynah kur e shoh ne cfare gjendje te mjeruar eshte harruar e lene mbas dore!?!..aty rrotull nuk duhet te ishte lejuar Ndertimin e Pallateve ,te pakten ne nje terze 200 m ,rrethbe rrotull..,spese Duhen zgjerusr germimet rreth rrotull!!!
Përgjigju