Mozaiku i Tiranës, i vetmi monument arkeologjik në kryeqytet i zbuluar në vitin 1972, i është nënshtruar gjatë një muaj restaurimit. Nën udhëheqjen e restauratorit Agron Islami specialistët e drejtorive rajonale kanë evidentuar, konservuar dhe restauruar dëmtimet që kanë hasur në këtë mozaik
“Në projektin që është miratuar kemi bërë një diagnostifikim, kryesisht janë shkëputje të nënshtresave të mozaikut edhe ne po arrijmë konsolidimin e tij, në mënyrë që të krijohet lidhja edhe të mos ketë boshllëqe në tapet”, thotë Klejdi Zguro, specialist në Insitutin Kombëtar të Trashëgimisë Kombëtare.
Specialistët zhvilluan njëkohësisht edhe një atelie restaurimi, nga e cila në fund do të pajisen me certifikata.
“Atelieja është një bashkëpunim, me specialistët e Tiranës dhe të rretheve. Funksionon në bazë të një projekti të miratuar të këtij viti mbi konservimin e Mozaikut të Tiranës. Do bëhet pastrimi i të tre mozaikëve, ribërja e fugave, trajtimi dhe mbushja me llac neurto gëlqeror”, shpjegon Zguro.
“Po mësojmë teknikat e ndryshme të konservimit edhe restaurimi, një trajnim për të rritur kapacitet, edhe po mësojmë se si bëhet pjesa e evidentimit të një mozaiku, konservimi edhe reasturimi, por mendoj që për vet specifikën e punës dhe vlerat që ka është një trajnim i mirë”, shprehet skulptori pranë DRKT Shkodër, Petrit Bilali.
Mozaiku përbëhet nga motivet gjeometrike e floreale, tipike të Krishterimit të hershëm, si gërsheti i stilizuar, rozetat e peshqit. Ndërsa, kostoja e këtij restaurimi është 900 mijë lekë.
Foto nga restaurimi i Mozaikut te Tiranes
Lajme të tjera
-
FOTOT/ Rama ndan pamjet nga kantieri i Mozaikut të Tiranës: Një tjetër stacion modern që do tërheqë turistët
23 Prill, 14:11 -
Vajtimi për yllin komunist dhe librin e Enverit tek mozaiku 'Shqipëria'
26 Maj 2023, 19:24
-
Debati për Mozaikun e Muzeut, Report Tv zbulon vendimin e vitit 1993, si u hoqën simbolet nga Qeveria e PD! Restauratori: Tani s'është bërë asnjë retushim në restaurim
22 Maj 2023, 16:25
-
Rama ndan fotot nga projekti për Mozaikun e Tiranës: Do kthehet në destinacionin më të vizituar
4 Mars 2023, 13:36 -
Zbulim arkeologjik paleokristian te Mozaiku i Tiranës
18 Prill 2021, 17:02
-
Rehabilitimi i zonës përreth Mozaikut, arkeologu: Punime diletante, projekti duhej miratuar nga Këshilli i Trashëgimisë
23 Mars 2021, 15:46
-
Miratohet për 10 vite “Plani i Menaxhimit të Integruar për Butrintin” nga Këshilli i Trashëgimisë Kulturore
5 Qershor 2020, 14:16
-
2000 vizitorë në tre muaj, arkeologu Luan Nezha: Pas çatisë, do restaurohet edhe Mozaiku i Tiranës! (VIDEO)
31 Maj 2020, 12:53
