POP 5

Lajmet më të lexuara të 5 minutave të fundit

Opinion

2022 po mbaron, PD-ja e vërtetë akoma s’është gjetur

Pavarësisht faktit se vitit 2022 po i vjen fundit dhe seanca e fundit parlamentare po zhvillohet në Kuvendin e Shqipërisë, përkatësia në Partinë Demokratike është ende e paqartë dhe minutat e para të punimeve parlamentare, vijojnë të jenë me tematikë të njëjtë: E kujt është PD-ja?

2022 po mbaron, PD-ja e vërtetë akoma s’është gjetur

Pavarësisht faktit se vitit 2022 po i vjen fundit dhe seanca e fundit parlamentare po zhvillohet në Kuvendin e Shqipërisë, përkatësia në Partinë Demokratike është ende e paqartë dhe minutat e para të punimeve parlamentare, vijojnë të jenë me tematikë të njëjtë: E kujt është PD-ja?

Kështu nisi gjithçka, me një fjalë të deputetit demokrat, Flamur Noka, i cili kërkoi të dinte se pse emri i tij, është i lënë jashtë listës së deputetëve demokratë, në fjalët përkatëse.

Kësaj gjëje, kryetarja e Kuvendit, Lindita Nikolla, iu përgjigjur së pari duke i përmendur rregulloren, e më pas duke thënë se Noka, nuk i përket më Grupit Parlamentar të PD-së, pasi vetë këta të fundit, e kanë nxjerrë jashtë liste atë.

Grupin e PD-së, pavarësisht të gjithë ndryshimeve të ndodhura në muajt e fundit brenda forcës së djathtë politike, e mban ende Enkelejd Alibeaj, kur në Gjykatën e Tiranës, çështja për “vulën”, nuk ka marrë përgjigje konkrete, pasi në mënyrë fillestare u njohën ndryshimet statutore nga kuvendi i Sali Berishës, mbajtur më 11 dhjetor 2021.

Pra, një vit më pas, ende nuk është e qartë – pavarësisht se Berisha është kreu – se kujt PD-ja i përket. Përkundër kësaj, duke marrë parasysh rolin që ka, kundërshti me gjënë pati edhe vetë Alibeaj. Nëpër dhëmbë madje, Alibeaj edhe replikoi direkt me Nokën, duke e fyer atë.

Por, kryetarja e Kuvendit, siç e ka përkufizuar disa herë në seancat e këtij viti, e ka ravijëzuar sërish faktin. Përkatësia në grupe parlamentare, i përkon grupeve parlamentare dhe gjithçka ajo bën me minutazhin apo listat e deputetëve, e bën në përputhje me çfarë bisedohet në Konferencën e Kryetarëve dhe me propozimet e sjella nga grupet parlamentare.

Edhe në 2023-shin, PD-ja e vërtetë ende nuk do të jetë gjetur dhe çështja, do të vijojë, si së brendshmi, edhe së jashtmi.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00